ELEKTR ENERGIYaSI TAʼMINOTIDA UZILIŞLARGA BARHAM BERILMOQDA
Mamlakatimizda isteʼmolçilarni sifatli va uzluksiz elektr energiyasi bilan taʼminlaş dolzarb masalalardan biri hisoblanadi. Aholi xonadonlari, işlab çiqariş korxonalari hamda ijtimoiy soha obʼektlarining elektr energiyasiga bölgan talabini uzluksiz qondirişga qaratilgan çora-tadbirlar tufayli “Hududiy elektr tarmoqlari”, aktsiyadorli jamiyati tasarrufidagi hududiy filiallar va ularning quyi tizimlari, jumladan, tuman va şahar elektr taʼminoti korxonalari tomonidan keng kölamli işlar amalga oşirilmoqda.
Islohotlar jarayonlarida ötgan asrning 70-80-yillarida örnatilgan yoğoç ustunlarni temir-beton ustunlarga almaştiriş, aholi soni ösib borişi bilan elektr energiyasi uzatiş quvvati kamlik qilayotgan transformator punktlarini yangi, yuqori quvvatli va zamoniy transformatorlarga almaştiriş, rekonsturktsiya qiliş, tejamkor SIP sim kabellari bilan taʼminlaş işlari muvaffaqiyatli tarzda amalga oşirilmoqda.
“Hududiy elektr tarmoqlari” aktsiyadorlik jamiyati Qoraqalpoğiston Respublikasi filialiga qaraşli Amudaryo tumani elektr taʼminoti korxonasi tomonidan ham elektr energiyasi isteʼmolçilari uçun zarur şart-şaroitlar yaratiş, aholini uzluksiz elektr energiyasi bilan taʼminlaş maqsadida eskirgan, öz muddatini ötab bölgan elektr uzatiş tarmoqlarini yangilaş, taʼmirtalab uskunalarni qayta taʼmirlaş işlariga alohida eʼtibor qaratilmoqda. Natijada ötgan 2023-yil davomida tuman hududida isteʼmolçilarni elektr energiyasi bilan taʼminlaşda uzlişlar minimallaştirildi va aholiga sifatli xizmat körsatişga erişildi.
Xususan, Özbekiston Respublikasi Prezidentining joylardagi past kuçlanişli elektr tarmoqlarini modernizatsiyalaş va eskirgan uskunalarni yangidan quriş borasidagi körsatmalari asosida Amudaryo tumanining “Obod qişloq” va “Obod mahalla” dasturlariga kiritilgan hududlaridagi taʼmirtalab elektr uzatiş tarmoqlari hamda transformator punktlari modernizatsiya va rekonsturuktsiya qilindi.
Maʼlumki, elektr uskuna va tarmoqlarni yangilaşda zamonaviy texnologiyalarni qöllaş bugungi kunning eng muhim masalalaridan hisoblanadi. Şu bois, tayançda örnatilgan germetik transformatorlar, izolyatsiyalangan SIP simlardan foydalaniş natijasida tarmoqdagi yöqotişlar va inson hayotiga xavf soluvçi omillarning oldi olinmoqda.
Amudaryo tumani elektr taʼminoti korxonasi tomonidan ötgan 2023-yil davomida jami 14ta transformator punkti yangidan örnatilib, 34,6 kilometr uzunlikdagi zamonaviy SIP kabellar tortildi.
Tumanning Qiliçboy ovuli hududi aholisining ham elektr energiyasiga bölgan kundalik ehtiyoji örganilib, aholi murojaatlari asosida hududda modernizatsiya va rekonstruktsiya işlari olib borildi. Ovul hududiga yangidan 166 dona temir-betonli tayanç ustunlari örnatildi. 12,7 kilometr uzunlikdagi zamonaviy SIP kabellari tortilib, 170dan ziyod xonadonlarda elektr energiyasidan foydalaniş sifati yaxşilandi. Ayni paytda ovul isteʼmolçilariga elektr energiyasi barqaror tarzda yetkazib berilmoqda.
Islohotlarning yangi bosqiçida aholi bilan, ularning murojaatlari bilan işlaşga alohida eʼtibor qaratilayotgani bois, sohadagi muammolar öz vaqtida bartaraf etilişiga erişilmoqda.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶