HARBIYLAR IŞTIROKIDA VATANPARVARLIK OYLIGI DOIRASIDAGI TADBIRLAR ÖTKAZILDI
Yoşlarni vatanparvarlik ruhida tarbiyalaş, ular qalbida ona Yurtga sadoqat va mehr-muhabbat tuyğularini mustahkamlaş, mard, jasur öğlonlar qilib kamolga yetkaziş bugungi kunning ustuvor vazifalaridan biri hisoblanadi. Davlat xavfsizlik xizmati Çegara qöşinlariga qaraşli harbiy qism xizmatçilari va hamkorlikdagi taşkilotlar bilan birgalikda çegara oldi hududlarda bu borada vatanparvarlik oyligi doirasida olib borilayotgan işlar öz samarasini bermoqda.
Bu kabi tadbirlar Amudaryo tumanida ham bölib ötmoqda. Ayniqsa, tumanning çegara oldi hududlarida bölib ötayotgan uşbu tadbirlarga yoşlarimizni jalb etiş qamrovi ortib, qatnaşuvçilar safi kengayib bormoqda.
13-oktyabr kuni tumanning çegara oldi hududida joylaşgan Qiliçboy ovulidagi 83-sonli maktabda Davlat xavfsizlik xizmati Çegara qöşinlariga qaraşli harbiy qism va mutasaddi taşkilotlar masʼullari hamda öquvçilar iştirokida “Amir Temur izdoşlari” şiori ostida harbiy-vatanparvarlik tadbirlari ötkazildi.
Tadbir davomida maktab öquvçilariga zamonaviy yoşlarga qurol-aslahalar, harbiy-texnikalar körgazmasi namoyiş etilib, uşbu vositalar va xizmat hayvonlaridan foydalaniş töğrisida atrofliça tuşunçalar berildi. Öquvçi-yoşlar harbiy qurol-aslahalar, texnikalar bilan tanişib, sohaga bölgan qiziqişlari yanada ortdi.
Undan taşqari, davlat mukofotiga ega bölgan harbiy xizmatçilar bilan maktab öquvçilari örtasida davra suhbati taşkil etildi. Suhbat davomida mustaqillik yillarida Özbekistonda harbiy-siyosiy sohada amalga oşirilgan keng kölamli islohotlar natijasida yurtimiz xavfsizligi va tinçligi, sarhadlarimiz daxlsizligini işonçli himoya qilişga har jihatdan qodir, zamonaviy, eng yangi qurol-yaroğlar va harbiy texnika bilan taʼminlangan, mutlaqo yangi Milliy armiya vujudga kelgani haqida söz yuritildi.
Şuningdek, bugungi kunda davlatimiz tomonidan harbiylar uçun yaratilgan şaroitlar va imkoniyatlar töğrisida ham maʼlumotlar berildi. Ötkazilgan tadbir jarayonida maktab öquvçilari harbiy xizmat töğrisidagi özlarini qiziqtirgan savollarga javob olişdi. Tadbirda faol iştirok etgan, iqtidorli va namunali öquvçilarga kitoblar sovğa qilindi.
Vatanparvarlik oyi doirasidagi tadbirlarda tumanning iqtidorli yoşlari rassomçilik, kasanaçilik, robototexnika yönalişlari böyiça körgazmalari bilan qatnaşişdi. Bölib ötgan kitoblar körgazmasida ham harbiylar va yoşlar katta qiziqiş bilan iştirok etişdi.
Şu kuni harbiy xizmatçilar va yoşlar örtasida sportning voleybol, şaxmat-şaşka hamda stol tennisi yönalişlari böyiça musobaqalar ötkazildi. Musobaqalarda iştirok etgan ovul yoşlari özlarining sport mahorati, çaqqonligi va epçilligini namoyiş etib, ğoliblik uçun intilişdi. Musobaqalar yakunida ğoliblarga Davlat xavfsizlik xizmati Çegara qöşinlariga qaraşli harbiy qism tomonidan kitoblar jamlanmasi va diplomlar topşirildi.
Vatanparvarlik oyligi doirasida yoşlarni vatanparvarlik ruhida tarbiyalaş, yurtimizda tinçlik va osoyiştalikni saqlaş borasida amalga oşirilayotgan islohotlarni aholiga yetkaziş hamda yoşlar qalbida yurt kelajagi uçun daxldorlik tuyğularini oşiriş kabi maqsadlarni közlab ötkazilgan uşbu tadbirlar qiziqarli lahzalarga boy böldi.
Vatanparvarlik oyligi doirasidagi bu kabi tadbirlar Qoraqalpoğiston Respublikasi böylab davom etmoqda.
M.Habibullayev, harbiy xizmatçi

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶