YoLFIZ
Qatra
Azamat ota koʻchamiz boshidagi tol-teraklar bilan oʻralgan, chor-atrofi tartibga keltirilmagan, koʻrimsizgina, devorlari nurab qolgan uyda yolgʻiz yashardi. Ota-ona oʻnta bolani boqadi, lekin oʻnta bola bitta ota-onani boqolmaydi, deganlari haqiqatga yaqin, menimcha.Axir Azamat ota ham ikki oʻgʻil, bitta qizni voyaga yetkazdi, oʻqitdi, elga qoʻshdi. Oʻqish, ish bahona, hammasi shaharda. Biri qaysidir idorada falon mansabda, yana biri qaysidir oliygohda domla emish. Oʻgʻillarni qoʻya turing, qiz bola otasiga mehribon boʻladi, deyishardi. Ammo otaxonning qizi ham oilasi va ishi bilan ovora. Haftada bir keladi-yu, gʻizillab darrov orqasiga qaytadi. Maylida… Biroq kampiri vafotidan soʻng, oʻn yillarcha vaqtdan beri yolgʻiz yashayotgan otaga hamqishloqlarining rahmi keladi. Shu boisdan ham bir kun unisi, bir kun bunisi degandek, xabar olib turishadi. Biroq Azamat ota qoʻni-qoʻshnilarning bu odatini yoqtiravermaydi, aniqrogʻi, oʻgʻli har safar kelganida uyga har xil odamlar kirib chiqavermasin, deya tanbeh beradi. Bundan otaning dili ogʻrisa-da, hech kimga aytmaydi, oʻgʻlini yomonlagisi kelmaydi.
Bir kuni Azamat ota koʻchaga chiqib, qoʻshnilariga: "ertaga oʻgʻlim meni shaharga, doʻxtirga olib ketadi. Ovqat olib chiqib ovora boʻlmanglar", deya aytib chiqibdi. Bu gaplarni eshitgan mahalladoshlar “oʻgʻliga insof kirgani rost boʻlsin”, deb qu-vonishdi.
Oradan bir necha kunlar oʻtdi. Azamat ota hovlisining oldida tumonat odamni koʻrib hayron boʻldim. Tinchlikmikan? Haaa… otaxon shifoxonadan kelgandir balki? Qarindosh-lari , hamsoyalar uni koʻrishga chiqqandir, degan xayol bilan qadamimni tezlatdim. Biroq hovliga yaqinlashganimda yigʻi ovozini eshitib, yuragimda allanechuk ogʻriq sezdim. Bilsam – Azamat ota vafot etgan ekan. Eshitganlar hayron, axir shaharga, davolanishga ketmoqchi edi-ku? Mashʼum xabardan soʻng, farzandlari darrov yetib kelishibdi...
Otaxon yerga qoʻyilganidan beri oradan ikki yil oʻtdi. Hozir oʻsha devorlari nurab yotgan koʻrimsiz uyning oʻrnida qasr paydo boʻldi. Ishining koʻpligidan, tirikchilik vaji-dan otasidan xabar olishga vaqti yetmaydigan oʻgʻli har kuni shu yerda…
Sevara ISMOILOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
