Choykoʻl ovul fuqarolar yigʻinida koʻrgazmali seminar oʻtkazildi

Mahalla jamiyatda tinchlik-totuvlik, oʻzaro hurmat, mehr-oqibat va hamjihatlik muhitini mustahkamlash, milliy urf-odat va qadriyatlarni asrab-avaylash, oilalar jipsliligini taʼminlash, sogʻlom va barkamol avlodni tarbiyalash, aholining kundalik muammolarini hal etishda xalqimizga eng yaqin ijtimoiy tuzilma hisoblanadi.

Bugungi kunda tumanimizda jami 49 ta fuqarolar yigʻinlari mavjud. Amudaryo tumani Kambagʻallikni qisqartirish va bandlikka koʻmaklashish boʻlimi tomonidan joriy yil davomida barcha fuqarolar yigʻinida reja-jadval asosida “TAJRIBA ALMAShISh” koʻrgazmali seminari tashkil etish rejalashtirilgan.

Reja-jadvalga asosan joriy yilning 22-may kuni Choykoʻl ovul fuqarolar yigʻinida koʻrgazmali-seminar tashkil etildi.

Seminarda Amudaryo tumani Kambagʻallikni qisqartirish va bandlikka koʻmaklashish boʻlimi boshligʻi Gʻ.Duysenbayev, boʻlim oʻrinbosarlari B.Baltabayev va M.Boltayev hamda tumandagi 1-setkor hududidagi fuqarolar yigʻinlari raislari ishtirok etishdi.

Seminar qatnashuvchilari dastlab hududdagi tadbirkorlikni rivojlantirish, xalqning bandligini taʼminlash boʻyicha oʻz biznesini yoʻlga qoʻygan, ishlab chiqarish va savdo kompleksi va xizmat koʻrsatish yoʻnalishi boʻyicha ishlab kelayotgan tadbirkorlar Aqmanov Xursandhamda tomorqasidan unumli foydalanib kelayotgan Narbayev Maxmudning tomorqadan unumli foydalanish, dehqonchilik va quyonchilik sirlari bilan tanishdilar.

Shuningdek, Choykoʻl ovul fuqarolar yigʻini binosi qoshida tashkil etilgan 5 ga yer maydonida xosil qilingan uzumchilik bogʻiga borildi.

Seminar yakunida Choykoʻl ovul fuqarolar yigʻini binosiga borib yigʻin hujjatlarining yuritilishi va 5 likning ish tajribalari bilan fikr almashdilar. Boʻlim boshligʻi Gʻ.Duysenbayev va oʻrinbosari B.Baltabayevlar maʼruza qilib bunday koʻrgazmali-seminarlar reja-jadval asosida barcha fuqarolar yigʻinlarida oʻtkazilishi hamda shu orqali tajriba almashib borilishini takidlab oʻtdilar.

Tuman hokimligining Axborot xizmati.