OChIQ SAYYoR SUDDA HUQUQBUZARLARGA JAZO ChORALARI KOʻRILDI
Durunki mahallasining fuqarolar yigʻini binosida ochiq sayyor sud majlisi boʻlib oʻtdi.
2022-yil 22-noyabr kuni Jinoyat ishlari boʻyicha tuman sudi tomonidan oʻtkazilgan ushbu sud majlisida tuman Ichki ishlar boʻlimining YHX boʻlinmasi tomonidan kelib tushgan 17 nafar fuqaroga nisbatan toʻplangan maʼmuriy ishlar koʻrib chiqildi.
Oʻzbekiston Respublikasi MJtKning 131-moddasiga koʻra haydovchilarning transport vositalarini alkogolli ichimlikdan, giyohvand modda taʼsiridan yoki oʻzgacha tarzda mast holda boshqarishi, transport vositasini boshqarish huquqidan bir yil-u olti oydan uch yilgacha muddatga mahrum qilib, bazaviy hisoblash miqdorining yigirma besh baravarigacha jarima solishga sabab boʻladi. Xuddi shunday huquqbuzarlik transport vositalarini boshqarish huquqi boʻlmagan shaxs tomonidan sodir etilgan boʻlsa, bazaviy hisoblash miqdorining qirq baravarigacha jarima solish yoki oʻn besh sutka muddatga maʼmuriy qamoqqa olish jazosi tayinlanadi. Alkogolli ichimlikdan, giyovand modda taʼsiridan yoki oʻzgacha tarzda mast shaxsga transport vositasini boshqarishni topshirish, transport vositasini boshqarish huquqidan ikki yildan uch yilgacha muddatga mahrum qilib, bazaviy hisoblash miqdorining yigirma besh baravari miqdorida jarima solishga sabab boʻlishi nazarda tutilgan.
Oʻzbekiston Respublikasi MJtKning 41-moddasiga koʻra haqorat qilish, yaʼni shaxsning shaʼni va qadr-qimmatini qasddan kamsitish, bazaviy hisoblash miqdorining yigirma baravaridan qirq baravarigacha miqdorda jarima solishga sabab boʻladi.
Yuqoridagi xolatlardan kelib chiqib, shu kuni koʻrib chiqilgan ish materiallari boʻyicha huquqbuzarlarga nisbatan tegishli jarima jazolari qoʻllanildi.
J.Oʻrazboyev, Jinoyat ishlari boʻyicha Amudaryo tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
