YoRQIN ISTEʼDOD SOHIBASI
Isteʼdod qaçon uyğonadi? Uni özimiz anglagan kunimiz qalbimizda nelar keçadi? Atrofimizdagi insonlarçi, ular köz oldida kamol topayotgan isteʼdod ğunçasini qanday qabul qiladi? Agar samimiyat ustun bölsa, isteʼdodning baxti! Aksinça bölsa, bu isteʼdod egasi özingizmi, boşqami... yoruğlik körmay sönadi va qayta uyğonmoği dargumon.
Ammo bizning mamlakatimizda har qanday isteʼdod egasi, ming şukurki, samimiyat va mehr ardoğiga muşarraf.
Tumandagi 35-sonli maktabning 10-sinf öquvçisi Barno Samandarova tahririyatga ilk ijod namunalarini olib kelganida 5-sinf öquvçisi edi. Öz ustida işlaşdan, öqib-örganişdan aslo çarçamaydigan Barnoxon allaqaçon öz tengqurlari orasida iqtidorli ijodkor, jamoatçi va taşkilotçi, islohotçi va bilimdon öquvçi, bir neça kitoblarning muallifi – öz uslubiga ega şoira sifatida tanildi. B.Samandarovaning “Ilk parvozim”, “Mehr”, “Faxrimsan, Amudaryom”, "Qalb sözi" kitoblari çop etilib, muxlislari kitob javonlaridan munosib joy olgan.
B.Samandarova – maktabda aʼloçi, jamoatçi öquvçi, qolaversa, Xalqaro YuNISEF taşkilotining U-Report loyihasi volontyori, Qoraqalpoğiston Respublikasi “Qizlar ovozi” madaniyat va sanʼat klubi koordinatori, “Jayxun ilhomlari” NNT bilan hamkorlikdagi “Qalb tuğyonlari” loyihasi taşkilotçisi sifatida hamişa faol harakatda.
Bugungi kunda bu yoş ijodkor qizning jöşqin ovozi, nafis şeʼriyati Amudaryo tumani, Qoraqalpoğiston va Özbekiston sarhadlaridan ham ötib, baralla yangramoqda. Xususan, Özbekiston Respublikasi Oliy va örta maxsus taʼlim vazirligi huzuridagi Maʼnaviyat va maʼrifat markazi homiyligida çop etilgan Özbekiston ijodkor yoşlarining “Hilol” töplamining 2-soni uçta, 113-116-sahifalari Barno Samandarovaning ijodiga bağişlangan. Şuningdek, Rossiya Federatsiyasining Sankt-Peterburg şahrida, 2022-yilda Xalqaro antalogiya (“Mejdunarodnaya antalogiya”) seriyasida çop etilgan “XXI vek: Molodyoj novogo Özbekistana” kitobidan ham Barno Samandarovaning ijodi uçun maxsus sahifalar ajratilib, uning şeʼrlari rus tilida çop qilingan.
Yoş va iqtidorli ijodkor uçun 2022-yil yana bir quvonçli voqeani hadya etdi. Joriy yilning avgust oyida “Best Publication” Xalqaro ilmiy tadqiqotlar markazi tomonidan MDH davlatlari miqyosida ötkazilgan “Taşabbuskor islohotçi” tanlovida qatnaşib, ğolib böldi va tanlov taşkilotçilari tomonidan “Taşabbuskor islohotçi” kökrak nişoni va "Renessans davri: ilmiy tadqiqotlar yetakçisi" xalqaro ilmiy-amaliy tanlovi va Xalqaro konferentsiyada faol iştiroki uçun mazkur tanlovning ham kökrak nişoni bilan taqdirlandi.
Tinib-tinçimas ijodkor qizning har bir kuni bir ezgu orzu yölidagi intiliş, yoruğ niyatlar sari dadil qadamlar bilan boşlanadi. Ijod, öqib-örganiş sari intilaveradi. Ana şu intilişlarda vatanparvarlik, xalqparvarlik ğoyalari va Yangi Özbekistonni bunyod etiş yölidagi gözal orzulari haqida şijoat bilan sözlayveradi. Öz şeʼrlari, jöşqin tuyğulari bilan adabiyot davralariga tobora yaqin bölib borayotgan Barnoxonning isteʼdodi şakllanişi esa uning ana şu ezgu xislatlari, mehnatkaşligi va samimiyligi, oldinga dadil intilişdan töxtamasligidan. Zero, isteʼdod ham, yorqin orzular ham ezgulik yölidagi dadil intiliş va sabr-matonatga yöğrilgan mehnat mahsulidir.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶