AHOLIGA POChTA ALOQA XIZMATI KOʻRSATISh YaXShILANMOQDA

Pochta-aloqasi tizimi bugungi kunda mamlakat hududlarida xat va pochta joʻnatmalari bilan bir qatorda tovarlarni yetkazib berish, bank, moliya va davlat xizmatlarini koʻrsatish boʻyicha oʻz infratuzilmasiga ega boʻlgan muhim soha hisoblanadi.

«Oʻzbekiston pochtasi» aktsiyadorlik jamiyati mamlakatimizning pochta-aloqasi milliy operatori sifatida respublika miqyosida 2 mingga yaqin pochta-aloqasi obʼektiga ega boʻlib, barcha aholi punktlarini qamrab olgan.

Oʻzbekiston Respublikasi Prizidentining «Pochta aloqasi xizmatlarini koʻrsatish tizimini tubdan takomillashtirish chora-tadbirlari toʻgʻrisida”gi 2020-yil 14-dekabrdagi Qarori ijrosini taʼminlash maqsadida «Oʻzbekiston pochtasi» aktsiyadorlik jamiyatining 2021-yil 6-yanvardagi 6-sonli buyrugʻi asosida Amudaryo tumani Pochta aloqa tarmogʻi tomonidan keng qoʻlamli ishlar amalga oshirilmoqda.

Bugungi kunda muassasada 26 nafar mutaxassis va texnik xodimlari tuman aholisiga pochta-aloqa xizmatini koʻrsatib kelmoqda.

Ayni paytda Amudaryo tuman Pochta aloqa tarmogʻiga qarashli shahar markazida 3 ta joyda hamda tumanning turli ovullarida, xususan Oʻrta qalʼa, Kuyuk koʻpir, Xitoy, Bobur nomli, Choykoʻl, Toʻlqin, Doʻrman, Qilichboy, Nazarxon ovullaridagi boʻlimlarda aholiga pochta-aloqa xizmatlari koʻrsatilmoqda.

Ushbu boʻlimlar tomonidan barcha turdagi toʻlovlar, jumladan kommunal toʻlovlar, jarimalar, aliment toʻlovlari hamda Davlat xizmatlari markazi tomonidan koʻrsatilayotgan 33 ta xizmat turi boʻyicha toʻlovlarni qabul qilish yoʻlga qoʻyilgan. Shuningdek, bank plastik kartalarini toʻldirish va pul mablagʻlarini yechish kabi xizmatlar ham amalga oshirilmoqda.

Yuqoridagi Prezident Qarori ijrosini taʼminlash maqsadida sohada elektron tijorat bozoridagi faoliyatni rivojlantirish boʻyicha mahalliy ishlab chiqaruvchilarning mahsulotlarini onlayn sotish va mijozlarga yetkazib berish imkoniyatini beruvchi elektron savdo maydonchasi axborot tizimini yaratish hamda logistika markazlarini tashkil etish, tovarlarni saqlash va yetkazib berishni oʻz ichiga olgan xizmatlarni yoʻlga qoʻyish va rivojlantirish boʻyicha onlayn savdo maydonchasi tashkil qilindi.

Shuni alohida qayd etish kerakki, yaqin vaqt ichida Qoraqalpogʻiston Respublikasida uchta – Qoraoʻzak, Amudaryo va Qoʻngʻirot tumanlarining Pochta aloqa tarmogʻi binolari zamonaviy koʻrinishda qayta rekonstruktsiya qilinishi koʻzda tutilgan.

Amudaryo tuman Pochta aloqa tarmogʻi binosi va 7 ta aloqa boʻlimlari binolarini davlat-xususiy sheriklik asosida zamonaviy koʻrinishda qayta qurish boʻyicha davlat dasturiga kiritilgan boʻlib, ushbu ishlar baajrilishi boʻyicha barcha tegishli hujjatlar tayyorlanib, amaliy-tashkiliy ishlar boshlab yuborildi.

Qolaversa, mazkur 3 ta tumanlardagi Pochta aloqasi korxonalarini transformatsiya qilish boʻyicha “Yoʻl xaritasi”ga muvofiq tumanimizning Qilichboy, Mangʻit, Zarbdor aloqa boʻlimlari binolarida davlat-xususiy sherikchilik shartlari asosida yangidan qurish va taʼmirlash ishlari amalga oshirildi.

Bundan tashqari, Mangʻit, Choykoʻl, Toʻlqin, Nazarxon, Zarbdor, Kuyukkoʻpir, Xitoy, Qilichboy, Oʻrta qalʼa, Doʻrman Pochta aloqa boʻlimlari binoslarini taʼmirlab, zamonaviy koʻrinishga keltirish ham koʻzda tutilgan.

Hozirda Choykoʻl va Nazarxon Pochta aloqa boʻlimlari binolarini davlat-xususiy sherikchilik shartlari asosida yangidan qurish boʻyicha tashabbuskorlarni aniqlash ishlari olib borilmoqda. Xitoy, Toʻlqin aloqa boʻlimlari binolari esa hozirgi kunda tuman hokimligi tomonidan ajratilgan mablagʻ hisobiga zamonaviy koʻrinishga keltirilib, ishga tushirildi.

Amudaryo tuman Pochta aloqa tarmogʻi tomonidan 2021-2022-yillar davomida gibrid pochta xizmati ham yoʻlga qoʻyilib, barcha turdagi davlat organlari va korxonalari tomonidan avtomat tarzda gibrid shartnomasi asosida xatlarni joʻnatish ishlari tezkor va sifatli amalga oshirilmoqda.

Oʻz vaqtida va sifatli xizmat koʻrsatish maqsadida Amudaryo tuman Pochta aloqa tarmogʻiga qarashli aloqa boʻlimlari pochtalonlari uchun 8 ta velosiped, 2ta skuter ajratilib, Pochta aloqa operatorlari 11 dona onlayn kassa apparatlari bilan taʼminlangan.

Xulosa qilib aytganda, xalqimizga zamon talablari asosida pochta-aloqa xizmatlari koʻrsatish, elektron tijorat bozoridagi faoliyatni rivojlantirish, mahalliy ishlab chiqaruvchilarning mahsulotlarini onlayn sotish va mijozlarga yetkazib beruvchi elektron savdo maydonchasi axborot tizimini yaratish hamda logistika markazlarini tashkil etish, tovarlarni saqlash va yetkazib berishni oʻz ichiga olgan xizmatlarni yoʻlga qoʻyish va rivojlantirish boʻyicha onlayn savdo maydonchasini tashkil etish hamda xalqimizga qulayliklar yaratish – Amudaryo tuman Pochta aloqa tarmogʻi xodimlarining bosh maqsadidir.

Sh.Gaipov, Amudaryo tuman Pochta aloqa tarmogʻi boshligʻi.