DORILOMON KUNLAR QADRI
Mustaqillik töğrisida söz ketganida: mustaqillik bizga nima berdi, keça kim edig-u bugun kim böldik, kabi savollar xayolimizni çulğab oladi. Beşak, mustaqillik bizga erkin nafas va yangi farovon hayot ato etdi. Yaqin ötmişga nazar soladigan bölsak, bizning xalqimiz tahqirlangan, insoniy şaʼni va qadr-qimmati toptalgan, Respublikamiz esa agrar va qoloq hudud edi. Bugun esa har tomonlama rivojlangan, har bir soha taraqqiy topgan, barkamol farzandlari iqtidorlari bilan dunyoni lol qoldirayotgan, yuksak maʼnaviyatli, hur millatga aylandik. Istiqlolga erişişimiz natijasi ölaroq, asrlar silsilasida öz mahobatini yöqotmay kelayotgan muqaddas qadamjolarimiz, masjid-u madrasalarimiz qayta böy tikladi. Yurtimizga kelayotgan sayyohlarning soni kundan-kunga ortib borayotganligi buning yorqin misolidir.
Bugun Özbekistonimiz mustaqilligi yigirma uç yoşda. Mana şu qisqa fursat içida xalqimizning moddiy va maʼnaviy ahvoli tubdan özgarib ketdi. Yurtimiz tanib bölmas darajada çiroy oçib, bugun dunyo ahli havas qilgulik darajada yuksalib bormoqda. Albatta, bu özgarişlar, bu yuksalişlar zamirida istiqlol bergan ulkan imkoniyatlar yotadi.
Mustaqillik töğrisida yozganimda yuragimda faxr va iftixor tuyğulari jöş uradi. Sababi istiqlolning bizning, mening taqdirimdagi örni beqiyosdir!
Iftixor şulki, bugun qaysi bir manzilga bormang, u yerda yangilaniş va bunyodkorlikning guvohi bölamiz.
Obod manzillardagi hurlik nafasidan bahra olib, ilm olişga bölgan iştiyoqimiz, sevgan sohamizga bölgan muhabbatimiz va muxtasar qilib aytganda, yaşaşga bölgan ixlosimiz yanada ortadi.
Bugun jonajon Özbekistonimiz mustaqilligining yigirma uç yilligi munosabati bilan yurtimizdagi barça şaharu qişloqlarda bayram şukuhi kezmoqda. Har bir yurtdoşimiz könglida ozod elning farzandi ekanligidan ğururlaniş kabi tuyğular keçayotganligiga yana bir karra guvoh bölamiz.
Mustaqillik töğrisida köp gapiriş mumkin, ayniqsa istiqloldan keyin bizning milliy bayramlarimiz qayta tiklandi. Buyuk bobokalonlarimiz ilmiy merosini örganiş baxtiga erişdik.
Dunyodagi ayrim davlatlarda notinçlik hukm surayotgan bir paytda, biz, har birimiz mana şu dorilomon kunlarning qadriga yetib va dilimizda şukronalik hissi bilan yaşaşimiz kerak.
Taniqli yozuvçimiz Ö.Hoşimov şunday yozadi: "Bir gal ança olis safarga çiqişga töğri keldi.
Avval Germaniyaga uçdik. Undan Amerikaga. Söng Şveytsariyaga. Keyin Angliyaga. Nihoyat Londondan Toşkentga uçadigan böldik. Havo kemasiga ötirişimiz bilan osoyişta va yoqimli ovoz yangradi: assalomu alaykum, xonimlar va janoblar! Sizlarni Özbekiston havo yöllari milliy aviakompaniyasi nomidan muborakbod etamiz!
Rostini aytsam, közimdan yoş çiqib ketdi. Bu sözlar mening tilimda, ona tilimda jarangladi! Vatanimdan minglab çaqirim narida, tağin yuzlab xorijiy yölovçilar ötirgan kemada!
Aqalli mana şu holatning özi uçun istiqlolga ming bora taʼzim qilişga tayyorman!”
Bunday holatlarga hozirgi kunda har birimiz, har kuni duç kelamiz. Şuning uçun ham biz Özbekistondek kelajagi buyuk yurt farzandi ekanligimizdan faxrlanamiz.
Yoşi uluğ otaxonu-onaxonlarimizning ezgu niyatlar ila qöllarini duoga oçib, elga tinçlik tilayotganini körib, duoingiz ijobat bölsin deymiz! Şu mustaqil yurtimizning tinçligi, osoyiştaligi uçun özimiz ham masʼul ekanligimizni çin dildan his qilamiz.
Eng uluğ, eng aziz bayramimiz qutluğ bölsin, azizlar!
Aziza MADRAHIMOVA,
Manğit Iqtisodiyot kasb-hunar kolleji 3-bosqiç öquvçisi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶