BOLALAR NAFAQASI YaNGIChA TARTIBDA BERILMOQDA
Tuman Yuridik xizmat koʻrsatish markazi ish boshlaganiga unchalik koʻp vaqt boʻlmagan boʻlsa ham bugungi kunda fuqarolar juda koʻp masalalarda yuridik maslahatlar soʻrab murojaat qilishadi. Hozirgi kunda bu murojaatlarning koʻpchiligi aynan bolalar nafaqasini olish masalalariga borib taqaladi.
Maʼlumki, Prezidentimizning 2021-yil 11-avgustdagi “Kam taʼminlangan oilalarga moddiy yordam koʻrsatish hamda kambagʻallik bilan kurashish koʻlamini yanada kengaytirish chora-tadbirlari toʻgʻrisida”gi Farmoni qabul qilindi.
Farmonga muvofiq, 2021-yil 1-sentyabrdan boshlab 14 yoshgacha bolalari boʻlgan oilalarga nafaqa hamda bola 2 yoshga toʻlguniga qadar uni parvarish qilish nafaqasi oʻrniga kam taʼminlangan oilalarga bolalar nafaqasi joriy etilgan edi.
Shunga koʻra endilikda inobatga olinadigan bolalar yoshi 14 yoshdan 18 yoshgacha, nafaqaning toʻlov muddati 6 oydan 12 oygacha oshirildi. Shu bilan birgalikda nafaqa miqdori oiladagi bolalar sonidan kelib chiqib belgilash tartibi qoʻllaniladigan boʻldi.
Bu boʻyicha Vazirlar Mahkamasining “Aholini ijtimoiy himoya qilish tizimini yanada takomillashtirish chora-tadbirlari toʻgʻrisida”gi Qarori ham qabul qilindi.
Qarorga muvofiq, kam taʼminlangan oilalarni "Ijtimoiy himoya yagona reyestri" axborot tizimi orqali aniqlash, ularga kam taʼminlangan oilalar bolalari uchun nafaqa va moddiy yordam tayinlash va toʻlash tartibi toʻgʻrisida"gi Nizom tasdiqlandi.
Bolalar nafaqasi va moddiy yordam ushbu Nizomda belgilangan tartibda ariza beruvchi murojaat qilgan oydan keyingi oydan boshlab toʻlanmoqda.
Bolalar nafaqasi va moddiy yordam toʻlashning belgilangan muddati tugagach, ariza beruvchi ushbu nafaqa yoki moddiy yordamni yangi muddatga tayinlash uchun ariza bilan murojaat qilish huquqiga ega.
Sh.VAISNIYaZOV, tuman Yuridik xizmat koʻrsatish
markazi bosh yuristkonsulti.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
