Maktabgacha taʼlim tashkilotida seminar-trening boʻlib oʻtdi
Mamlakatimizda oʻsib kelayotgan avlodni har tomonlama yetuk qilib voyaga yetkazish, taʼlim-tarbiya jarayoniga taʼlimning samarali shakllari va usullarini joriy etish maktabgacha taʼlim tashkilotlari zimmasiga ulkan masʼuliyat yuklaydi.
Uzluksiz taʼlimning bosh boʻgʻini hisoblanmish maktabgacha taʼlim tashkilotlarining asosiy vazifasi bolani sogʻlom, har tomonlama rivojlangan va erkin shaxs sifatida shakllantirish, bolalarning qobiliyatlarini aniqlab, rivojlantirish, taʼlim olishga boʻlgan intilishini tarbiyalashdir.
Bunday ustuvor vazifalarning ijrosini taʼminlash uchun butun mamlakatimizda boʻlgani kabi Amudaryo tumanida faoliyat yuritayotgan maktabgacha taʼlim tashkilotlari ham malakali pedagog va tibbiyot xodimlari bilan taʼminlangan.
Yaqinda tumanning Toʻlqin ovulidagi 23-sonli maktabgacha taʼlim tashkilotida “Oʻzbekiston Respublikasining ilk va maktabgacha yoshdagi bolalarni rivojlanishiga qoʻyiladigan Davlat talablari” va “Ilk qadam” davlat oʻquv dasturi, “Bolaning rivojlanish xaritasining yuritilish qoidalari” mavzusida oʻtkazilgan seminar-trening ham hududdagi maktabgacha taʼlim tashkilotlari faoliyati samaradorligini yanada oshirishga qaratildi.
Seminar-treningda tashkilot xodimlaridan tashqari ovul hududidagi barcha maktabgacha taʼlim tashkilotlari rahbarlari va pedagoglari ishtirok etdilar.
Tadbirda maktabgacha taʼlim tashkilotlarida taʼlim dasturlarini ishlab chiqish, bolaning rivojlanish xaritasini yuritish tartibi haqida, shaxsga yoʻnaltirilgan yondashuv asosida taʼlim jarayonini rejalashtirish, tashkilotning oilalar va mahalliy jamoatchilik bilan oʻzaro hamkorligi yuzasidan tuman maktabgacha taʼlim boʻlimining taʼlim-tarbiya sifatini taʼminlash va metodik xizmat koʻrsatishni tashkil qilish shoʻʼbasi mudiri Nodira Tojimurodova maʼruza qildi. U oʻz soʻzida maktabgacha taʼlim tashkilotlari faoliyati samaradorligiga erishish borasida qabul qilinayotgan hukumatimiz, Prezidentimizning qarorlari, bundan koʻzlanayotgan asosiy maqsad uzluksiz taʼlimning ilk bosqichi hisoblangan maktabgacha taʼlim sifatini oshirish, bolalarni maktab taʼlimiga tayyorlash ekanligiga keng toʻxtaldi.
Shuningdek, maktabgacha taʼlim tashkilotlarida taʼlim dasturlarini ishlab chiqish, “Ilk qadam” davlat oʻquv dasturi asosida mashgʻulotlarni samarali tashkil etish va bunda har bir tarbiyalanuvchining faol ishtirok etishiga erishish lozimligiga eʼtibor qaratdi, mashgʻulotlar davomida bolalarga individual yondashuv ularning qobiliyatlarini yuzaga chiqishiga asos boʻlishi taʼkidlandi.
Tadbirda 23-sonli maktabgacha taʼlim tashkiloti tarbiyachisi “Shaxsga yoʻnaltirilgan yondashuv asosida taʼlim jarayonini rejalashtirish” mavzusida tushuncha berdi va shu mavzuda nashr qilingan kitob taqdimotini oʻtkazdi. Seminar-treningda ishtirokchilarining bilimlari va koʻnikmalari ham sinovdan oʻtkazildi. Shuningdek, “Oʻyin orqali taʼlim olish” mavzusida taqdimot oʻtkazildi. Bunda taʼlim jarayonida bolalarga oʻyin orqali taʼlim berish, bolalar bilan oʻtkaziladigan oʻyin turlari, ularning maqsadlari va vazifalari keng tushuntirildi.
Shuningdek, tadbirda maktabgacha taʼlimga doir boshqa qoʻllanmalar taqdimoti ham oʻtkazildi. Seminar-treningda ishtirokchilar oʻzlarining faoliyatiga doir koʻpgina bilimlarga ega boʻldilar.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
