YoShLAR IShTIROKIDA NAVBATDAGI SAYYoR QABUL OʻTKAZILDI
Bugungi kunda yurtimizda halq bilan faol va ochiq muloqot olib borish, avvalo insonning huquq hamda manfaatlarini taʼminlash orqali xalqimizning farovon, baxtli hayot kechirishi uchun koʻplab saʼy-harakatlar amalga oshirilmoqda.
Jumladan, Respublikamiz boʻylab oʻtkazilayotgan sayyor qabullar jarayonida yordamga muhtoj aholining muammolari oʻrganilib, koʻplab ijobiy natijalarga erishilmoqda.
Shunday uchrashuvlardan biri Amudaryo tumanining Oq oltin ovuli hududidagi 7-sonli maktabda boʻlib oʻtdi. Uchrashuvda Amudaryo tumani Ichki ishlar boʻlim boshligʻi Ulugʻbek Xudayberganov, tuman Xalq qabulxonasi mudiri Erkin Rajapov Oʻzbekiston Yoshlar ittifoqi Kengashi Amudaryo tumani boʻlimi raisi Sardor Ismoilov, tegishli tashkilot muassasa vakillari hamda 35 nafar yoshlar ishtirok etishdi.
Sayyor qabul tarzida oʻtkazilgan mazkur uchrashuvdan koʻzlangan maqsad yoshlarning muammolarini oʻrganish, ijobiy hal etilishiga koʻmaklashish, taklif hamda tavsiyalarini tinglashdan iboratdir.
Yigʻilishda tuman ichki ishlar boʻlimi boshligʻi Ulugʻbek Xudayberganov yoshlarga murojaat qilar ekan, hozirgi kunda yoshlar orasida huquqbuzarlik sodir etish holatlari sezilarli darajada oshganligi,va bunday nohush holatlarning oldini olish uchun amalga oshirilayotgan profilaktika ishlari haqida gapirib oʻtdi.
Shundan soʻng tuman Xalq qabulxonasi mudiri Erkin Rajapov soʻzga chiqib, oila, maktab, mahalla hamkorligini uzluksiz taʼminlash asosiy vazifa ekanligini va bu borada tizimli ishlar koʻlamdorligini yanada oshirish lozimligi haqida oʻz fikr-mulohazalarini bildirib oʻtdi.
Yoshlar ittifoqining tuman boʻlimi raisi Sardor Ismoilov esa bugungi kunda yoshlar uchun yaratilayotgan imkoniyatlar va shart-sharoitlar haqida batafsil maʼlumot berib, yoshlarni bilim olishga va kasb-hunar egallashga daʼvat qildi.
Shuningdek, mahallalarda 21-yanvardan ish boshlagan yoshlar yetakchilariga yuklatilgan vazifalar haqida toʻxtalib, yoshlar yetakchilari oʻzlari biriktirilgan mahalladagi yoshlarning vakili boʻlishini hamda doimiy ravishda mavjud muammo va kamchiliklari bilan murojaat qilishlari mumkinligin aytib oʻtdi. Qolaversa yetakchilar tomonidan oʻtkazilishi rejalashtirilgan turli hil aktsiyalar va tadbirlarda faol qatnashib borishlari lozimligini taʼkidladi.
Shundan soʻng, muammoli yoshlarning murojaatlari birma-bir tinglandi. Mahallaning faol yoshlaridan Muhiddin Jumamurotov hamda Muhiddin Sobirovlar yer ajratib berilishi borasida, Azamat Ibragimov esa bandlik masalasida amaliy yordam soʻrab murojaat qildi.
Yigʻilishda murojaatlar koʻrib chiqilishi va tez orada hal qilinishiga kelishib olindi.
Joylarda tashkil qilinayotgan shu kabi sayyor qabullar natijasida hukumat idoralari va xalq oʻrtasidagi koʻrinmas devor olib tashlanib, yordamga muhtoj fuqarolar oʻz muammolarini mutasaddi tashkilot rahbarlariga toʻsiqsiz yetkazishmoqda. Bu orqali koʻplab muamollar hal qilinib, xalq va davlat yagona maqsad – vatan taraqqiyoti yoʻlida birdek harakat qilayotir.
F.Eshimbetova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
