VATAN OSOYIShTALIGINI ASRASh YIGITLARNING BURChI
Oʻzbekiston Respublikasida fuqarolarni harbiy xizmatga chaqirish tegishli tartibda amalga oshiriladi. Bugungi kunda muddatli harbiy xizmatga saralash va tanlash ishlari Vazirlar Mahkamasining 2019-yil 9-apreldagi “Chaqiriluvchilarni tanlab olish tartibi toʻgʻrisidagi nizomni tasdiqlash haqida”gi qarori asosida tashkil qilinmoqda. Bu borada shaffoflik va ochiqlikni taʼminlash maqsadida chaqiriluvchilarning ota-onalariga oʻtkazilayotgan tanlov tadbirlarini toʻgʻridan-toʻgʻri kuzatib borish imkoniyati yaratildi.
Shunga koʻra tumanimizda ham Mudofaa ishlari boʻlimi tomonidan chaqiriluvchilarni tanlab olish va saralab olish ishlari 10-avgustdan 10-fevralgacha amalga oshiriladi.
Tanlovga 18 yoshdan 27 yoshgacha boʻlgan chaqiruvchilar jalb qilinadi. Asosan 2-bosqichda oʻtadigan tanlovning 1-bosqichida ular umumjismoniy tayyorgarliklari, yaʼni turnikka tortilish, 100 metrga yugurish, 3000 metrga yugurish kabilar boʻyicha sinab koʻriladi. Shundan soʻng, 2-bosqichda yakka tartibdagi suhbatdan oʻtadilar. Yakka tartibdagi suhbat davomida chaqiriluvchining mahalla va jamiyatda tutgan oʻrni, oilaviy ahvoli, obroʻ-eʼtibori, yurish-turishi, qiziqishlari, yurtimiz tarixi, buyuk sarkardalar, ajdodlarimiz hayoti va faoliyatiga oid bilimlari aniqlanadi.
Muddatli harbiy xizmatga saralash va tanlashni amalga oshirish uchun tuman Mudofaa ishlari boʻlimida butlash komissiyasi tuzilgan. Ular saralash va tanlov ishlarida toʻliq qatnashib, nomzodlarni saralab olishadi.
Oʻzbekiston Respublikasi Konstitutsiyasining 52-moddasida koʻrsatilganidek, Oʻzbekiston Respublikasini himoya qilish – har bir fuqaroning burchidir. Oʻzbekiston Respublikasi umumiy harbiy majburiyat va harbiy xizmat toʻgʻrisidagi qonunining 19-moddasiga asosan fuqarolar qonunda belgilangan tartibda harbiy yoki muqobil xizmatni oʻtashga majburdirlar.
Zero, Vatanimiz tinchligi, sarhadlarimiz osoyishtaligiga hissa qoʻshish, Vatanga xizmat qilish har bir yigitning burchidir.
Tohir BOLTAYeV, tuman Mudofaa boʻlimining
chaqiruv boʻlinmasi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
