AMUDARYo TUMANIDA XALQARO BAĞRIKENGLIK KUNI KENG NIŞONLANDI
Xalqaro YuNESKO taşkiloti dunyoda tinçlik, dinlar va konfessiyalararo muloqotni örnatiş, millatlar va elatlar örtasida hamkorlikni rivojlantiriş borasida bir qator işlar amalga oşirilib, hozirda bağrikenglikka oid 70 dan ziyod xalqaro hujjatlar qabul qilingan. 1995-yil 16-noyabrda Parijda YuNESKO Boş konferentsiyasida “Bağrikenglik tamoyillari Deklaratsiyasi” qabul qilingan. Hozirgi kunda 16-noyabr – Xalqaro bağrikenglik kuni sifatida keng nişonlanadi.
Mustaqil Özbekistonimizda tinçlik, osoyiştalik, osuda hayotning qadr-qimmati hamişa yuksak. Mamlakatimizda xilma-xil diniy eʼtiqodga mansub millatlarning bir xil buyuk ğoya va sof niyatlarning röyobi yölida hamkor, hamjihatlikda, tinç-totuv yaşayotganlarining özi diniy bağrikenglikning yorqin namunasidir.
Bugungi kunda Özbekistonda yaşayotgan 136 ta millat vakillari 16 ta turli konfessiyaga eʼtiqod qilişadi va dinlararo, konfessiyalararo mustahkam aloqa, samimiy döstlik örnatilgan.
Joriy yilning 17-noyabr sanasida tuman Madaniyat markazida Xalqaro bağrikenglik kuni munosabati bilan bölib ötgan maʼnaviy-maʼrifiy, adabiy-musiqiy tadbirda mutasaddi taşkilotlar rahbarlari mamlakatimiz xalqiga xos rang-baranglik, millatlararo va dinlararo döstlik, bağrikenglik tamoyillari, ana şu tamoyillar asosida tobora ravnaq topayotgan mustaqil davlatimiz hamda millatlar va elatlar örtasidagi samimiy döstlik, totuvlik haqida mamnuniyat bilan söz yuritdilar. Şu bilan birga tumanimiz mahallalarida yaşab, Amudaryo tumanini ijtimoiy-iqtisodiy rivojlantirişga özlarining munosib hissalarini qöşayotgan turli millat vakillarini Xalqaro bağrikenglik kuni munosabati bilan tabrikladilar.
Darvoqe, ayni paytda Amudaryo tumanida 13 millat vakillari ahil-inoq yaşab, mehnat qilişmoqda. Ularning farzandlari yaxşi taʼlim-tarbiya olişlari, öz ona tillarida emin-erkin sözlaşişlari uçun tumanda zarur şart-şaroitlar yaratilgan. Xususan, tumanda öqiş özbek qozoq, rus, turkman, qoraqalpoq tillarida olib boriladigan maktablar bölib, uşbu taʼlim-tarbiya maskanlari zamonaviy pedagogik texnologiyalar bilan jihozlangan.
Tumanning barça hududlarida xalqimizning emin-erkin öz diniy eʼtiqodlarini amalga oşirişlari uçun esa diniy-islomiy talablar darajasidagi masjidlar faoliyati yölga qöyilgan.
Xalqaro bağrikenglik kuni munosabati bilan bölib ötgan bayramona tadbirda mutasaddilar buni alohida eʼtirof etişdi.
Tadbirning adabiy-musiqiy qismida tuman Madaniyat bölimi sanʼatkorlari tomonidan tayyorlangan kontsert dasturi namoyiş etildi. Özbekiston Respublikasi Konstitutsiyasida belgilab qöyilgan huquq va imkoniyatlardan foydalanib, mustaqil Vatanimizning har tomonlama taraqqiy etişiga munosib hissalarini qöşib kelayotgan barça millat va elat vakillari bilan bağrikeng diyorda yaşayotganliklaridan mamnunlik tuyğulari madh etilgan kuy va qöşiqlar yangradi.
“Özbekiston – bağrikeng diyor” deb nomlangan maʼnaviy-maʼrifiy va adabiy-musiqiy tadbirda döstlik va tinçlikni, millatlararo totuvlik va bağrikenglikni ifodalovçi jarangdor şeʼrlar öqildi.
“Bu muqaddas Vatanda azizdir inson!” şiori ostida biri-biridan mazmundor taronalar yangradi. Özbek, qozoq, qoraqalpoq, rus, tatar, boşqird xalqlarining köngillarda ezgu tuyğular uyğotuvçi kuy-qöşiqlari, raqslari ijro etilib, tadbir iştirokçilari qalblariga xuş kayfiyat bağişladi.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶