“Sogʻlom bola yili” yangiliklari
Eng namunali boʻlinma
Yaqinda "Mahalla" xayriya jamoat fondi tuman (shahar) boʻlinmalarining ilgʻor ish tajribalarini ommalashtirish maqsadida "Oʻzbekiston "Mahalla" xayriya jamoat fondining "Eng namunali boʻlinmasi" tanlovining Qoraqalpogʻiston Respublikasi bosqichi boʻlib oʻtdi. Tanlovda Fondning Amudaryo tumani boʻlinmasi eng yuqori ball toʻplab, birinchi oʻrinni qoʻlga kiritdi.
Hovli toʻylari oʻtkazilmoqda
Tumanimizda aholini zamonaviy uy-joylar bilan taʼminlash maqsadida bir qancha ishlar amalga oshirilmoqda.
Shu yilning iyun oyida "Taqirqalʼa" mavzesida 5 ta va "Vaxum" aholi punktida 5 ta namunaviy loyihalar asosida qurilgan uy-joylar oʻz egalariga topshirildi.
Yaqin kunlar ichida yana 38 ta shunday uy-joylarda hovli toʻylari oʻtkaziladi.
Yangi paxta tozalash zavodi
"Yulduz" hissadorlik jamiyati "Oq oltin" ovuli hududida joylashgan "Oq oltin" paxta tozalash kichik zavodi oʻrnida yangidan shakllantirilmoqda.
Hozirgi kunda ushbu yangi paxta tozalash zavodi hududi obodonlashtirilib, uning qoshida savdo va maishiy xizmat koʻrsatish obʼektlari qurilishi poyoniga yetkazilmoqda.
Mazkur paxta tozalash zavodi yangi paxta qabul qilish mavsumida oʻz faoliyatini boshlaydi.
Taʼmirlash ishlari yakunlandi
Qilichboy ovulidagi 15-sonli umumtaʼlim maktabida va Amudaryo qishloq xoʻjalik kasb-hunar kollejida kapital taʼmirlash ishlari nihoyasiga yetkazilib, ushbu ilm maskanlari yangi oʻquv yiliga toʻla shay qilib qoʻyildi.
15-sonli umumtaʼlim maktabida "304-KMK" MChJ tomonidan 685,6 mln. soʻmlik va Amudaryo qishloq xoʻjalik kasb-hunar kollejida "Qurilish xizmat" MChJ tomonidan 981,7 mln. soʻmlik qurilish-taʼmirlash ishlari amalga oshirildi.
Yangi obʼektlar ish boshladi
* Tumanimizning "Choykoʻl" ovulidagi "Bosu" mahallasida "Yulduzxon-Sadoqat" MChJga qarashli umumiy ovqatlanish shoxobchasi ish boshladi. Shoxobchada 8 nafar fuqaro ish bilan taʼminlandi.
(Reklama huquqi asosida)
* Yaqinda "Xolimbeg" ovulining "Ayoqchi" mahallasida moslashtirilgan binoda bolalar bogʻchasi ish boshladi. Bu qulaylikdan mahalla aholisi xursand boʻlishmoqda.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
