Ustoz sharofati bilan

Darhaqiqat, rahmatlik ustozim Sobir Yusupov sharofati bilan 1966-yilning 11-yanvar kunidan boshlab "Amudaryo haqiqati” gazetasi, tahririyatida jurnalistik faoliyatim boshlandi. Avval adabiy xodim, keyinchalik boʻlim mudiri vazifalarida ishladim.

Tahririyatga ishga kelganimda oʻrta maʼlumot egasi edim. 1968-1974-yillarda ToshDUning jurnalistika fakulteti sirtqi boʻlimida tahririyatda ishlab turib tahsil oldim, oliy maʼlumotli malakali jurnalist boʻlib yetishdim. Shu yerda baxtimni topdim. Hamkasbim Yangiljon Hamroyeva bilan 1969-yil yanvar oyida turmush qurganmiz.

Shu narsani alohida qayd qilgim keladiki, 1966-70-yillarda gazetaning jamoatchi muxbirlari boʻlgan Allambergan Jumaniyozov, Bibihojar Doʻsniyozova, Jumaboy Hidoyatov, Ibrohim Xolmurodov, Norboy Toʻraboyev, Safarboy Dav-latboyev, Hayitboy Xudoyorov, Tursunboy Sultonov, Safo Matchonovlar Sobir Yusupovning taklifi bilan "Amudaryo haqiqati” gazetasi tahririyatida ishladilar. Madrahim Qurbonov Qoraqalpogʻiston Respublikasi televideniyesida oʻn yil Amudaryo tumani boʻyicha muxbiri boʻlib, Qobul Shomurodov esa 1978-yildan ayni kungacha Qoraqalpogʻiston Respublikasi radiosining tumanimiz boʻyicha muxbiri vazifasida ishlayapti.

Gazeta shtatida muxbirlikka qoʻ-shimcha radio tashkilotchi degan vazifa bor edi. 1970-yilning kuzidan to 1979-yilning avgust oyigacha shu vazifada ishladim. 1979-yilning avgustidan to 2007-yilning oktyabr oyigacha gazeta tahririyatida boʻlim mudiri, masʼul kotib, muharrir oʻrin-bosari boʻlib ishladim.

Jurnalistik faoliyatim 42-yil davom etdi. Mustaqillik tufayli mehnatim munosib baholandi. 1994-yilda Qoraqalpogʻiston Respublikasi Joʻqorgʻi Kengesi Faxriy yorligʻi bilan, 2004-yilda esa "Qoraqalpogʻiston Respub-likasida xizmat koʻrsatgan jurnalist” unvoni bilan taq-dirlandim. Hammasi uchun – yaʼni jurnalist boʻlib yetishganim, faxriy unvon olib, ayni kunda qarilik gashtini surib yashayotganim uchun rahmatlik ustozim, jurnalist, oʻndan ortiq jurnalistlarga ustozlik qilgan Sobir Yusupovdan behad minnatdorman.

Gazetamizning40, 50, 60, 75 va nihoyat 80 yillik yubileyi nishonlanishini koʻrish nasib etayotganligidan gʻoyatda xursandman. Avvalgi "Amudaryo haqiqati”, ayni kundagi "Taraqqiyot koʻzgusi”, gazetasi tahririyati jurnalistlarini, uning sobiq xodimlarini, barcha gazetxonlarni gazetamizning 80 yillik toʻyi bilan samimiy tabriklayman. Gazeta hamisha tumanimiz hayotining oynasi va gazetxonlar minbari boʻlib qolaverishiga tilakdoshman.

Saʼdulla Xoʻjaniyozov,

gazeta faxriysi, Qoraqalpogʻiston Respublikasida xizmat koʻrsatgan jurnalist.