RESPUBLIKA MAʼNAVIYaT VA MAʼRIFAT MARKAZI RAHBARI AMUDARYoDAGI MAʼNAVIY-MAʼRIFIY IShLAR BILAN TANIShDI
Davlatimiz siyosatida bugungi kunda maʼnaviy-maʼrifiy ishlar yanada yuksak oʻringa qoʻyilgan boʻlib, bu borada qator chora-tadbirlar amalga oshirilmoqda. Yurtimizda maʼnaviy-maʼrifiy ishlar tizimini tubdan takomillashtirish, bu borada davlat va jamoat tashkilotlarining hamkorligini kuchaytirish masalalariga alohida eʼtibor qaratilmoqda.
Shu yil 18-may kuni Respublika Maʼnaviyat va maʼrifat markazi rahbari M.Hojimatov hamda markazning Qoraqalpogʻiston boʻlimi rahbari T.Atamurodovlar Amudaryo tumaniga tashrif buyurdi.
Ushbu tashrif davomida mamlakatimizda joriy yilning 24-oktyabr sanasida oʻtkaziladigan Prezident saylovlariga tayyorgarlik jarayonlari bilan tanishdilar va bu borada kelgusida amalga oshirilishi lozim boʻlgan chora-tadbirlar yuzasidan muhim tavsiyalar, maslahatlar berib oʻtdilar. Shuningdek, M.Hojimatov Oʻzbekistonda bu yilgi Prezident saylovi ilk bor saylov kodeksi va umumeʼtirof etilgan xalqaro saylov standartlariga rioya etilgan holda oʻtkazilishini alohida taʼkidlab oʻtdi.
Bundan tashqari, tumanda Maʼnaviyat va maʼrifat markazi tuman boʻlinmasi faoliyatini koʻzdan kechirib, boʻlinma tomonidan amalga oshirilayotgan ishlar bilan yaqindan tanishdi. Jumladan, tuman hokimligida tashkil etilgan maʼnaviyat xonasi, u yerda tashkil etilgan kutubxona va yaratilgan sharoitlar hamda tumanda besh yoshga bir nafar nuroniy tamoyili asosida olib borilayotgan ishlarga yuqori baho berib oʻtdi.
Markaz rahbari yangi Oʻzbekistonni barpo etishda yangicha dunyoqarashga ega boʻlgan, maʼnaviy barkamol, ilm-maʼrifatli, sogʻlom fikrli yoshlarni tarbiyalashga alohida eʼtibor qaratish zarurligini taʼkidlab, bu boradagi samaradorlikni oshirish boʻyicha zarur maslahatlar berdi.
N.Yusupov, Maʼnaviyat va maʼrifat markazi tuman boʻlinmasi mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
