“Mangʻit dehqon bozori” MChJning rasmiy munosabati
Amudaryo tumani Mangʻit dehqon bozoridagi yogʻingarchilik natijasida yuzaga kelgan noqulayliklar boʻyicha “KunuzQoraqalpogiston” telegram kanaliga qilingan: “Amudaryo tumani Mangʻit shahridan yozyapmiz. Mangʻit dehqon bozori har bahorda shunday holatda boʻladi. Biroz yomgʻir yoki qor yogʻsa bozorga kirib boʻlmay qoladi. Tumandagi Jumurtov sanoat shaharchasida tosh chiqadigan zavodlar bor. Tosh oʻzimizdan chiqadi. Zavodda shagʻal chiqindi hisobida turadi. Shu shagʻaldan bozorga yotqizishsa yaxshi boʻlardi. Odamlar bozorga kelib ketishsa, kiyimlari bir ahvolga kelib qoladi” degan mazmundagi murojaat boʻyicha “Mangʻit dehqon bozori” MChJ maʼmuriyati quyidagilarni maʼlum qiladi.
2021-yil mart oyida “Mangʻit Dehqon bozori” MChJ tomonidan bozor hududida yogʻingarchilik natijasida yigʻilib qolgan yomgʻir suvlarining chiqib ketishi uchun 25-50 sm qalinlikdagi shagʻal toshlar bilan koʻtarilib tsement qorishmasi bilan styajka qilinib, 350 kv.metr naves qurib bitkazildi.
Hozirgi vaqtda bu kabi mavjud kamchiliklarning oldini olish maqsadida joriy yil mart oyida bozor hududida odamlarga qulaylik yaratish maqsadida 912 kv.metrdan iborat maydon 20 sm qalinlikda shagʻal toshlari bilan koʻtarilib, maydonni tsement qorishmasi bilan tekislash ishlari amalga oshirilmoqda.
Keyinchalik bosqichma-bosqich “Mangʻit dehqon bozori”ning odamlar savdo qiladigan joylarida yogʻingarchilik natijasida toʻplanib qolishi mumkin boʻlgan oqava suvlarining yigʻilib qolmasligi uchun tegishli ishlar amalga oshirilib borilishi maʼlum qilinadi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
