BARNOXONNING KÖNGIL MULKI
Insonning öz könglidan uluğ mulki yöq, deyişadi. Çunki uning ana şu mulki hamma joydan keng, bağriga insonning quvonçi ham, ğami va azob-u uqubatlari..., hatto mislsiz ğalabalari, odamlardan, dunyodan pinhon sirlari ham siğaveradi. Agar u ijod ahlidan bölsa, bu köngil mulkining çeki-çegarasi bölmaydi. Xuddi daryo kabi toşqin, jöşqin, özgalar dilini obod etgulik qudrat kasb yetadi.
Men köplab ijodkorlarning köngil mulki möʼjizalariga köp bora guvoh bölganman, ijodkor yuragidan sizib çiqqan serjarang tuğyonlarga oşno bölib, undan bahra olganman.
Yoşgina şoira qizimiz Barnoxonning ham könglida ana şunday jarangdor tuğyonlar bor. Uning köngil böstonini çaroğon etib turgan misralarda ona yurt kengliklari, yaxşiliklar, ezguliklar gullab yotgan şaharlar, yovonlar, farovon hayot mujassam.
Barnoxon har bir satrini dil çamanidan terib-terib, fidoyilik bilan oqqa köçiradi. Xuddi köngil bepoyonligi kabi heç yakuniy nuqta qöyişga şoşilmay yozaveradi, yozaverdi...
Barnoxon Amudaryo tumanidagi 35-sonli umumtaʼlim maktabining aʼloçi öquvçilaridan. U ilk şeʼrini qoğozga tuşirganida maktabning boşlanğiç sinfida tahsil olardi. Sinfdoşlariga, ustozlariga yozganlarini öqib berganida birov unga havas qildi, yana birov uning yozganlarini hayrat va iştiyoq bilan tingladi. Bu unga maʼnaviy rağbat böldi. Döstlari, ustozlariga manzur şeʼrlar ijod etişga intildi. Ana şu intiliş bilan yozdi, yana va yana yozaverdi. Uning “Yaxşi odamlar”, “Onamga”, “Ona Vatanim”, “Ona tilim” kabi şeʼrlari nafaqat öz köngil mulkiga aylandi, balki döstlari va ustozlari, hatto hamqişloqlariga ham manzur böldi.
Barnoxon ijod olamining maşaqqatlarini his etgan sari satrlari yetildi, qalblarni maftun etdi. Ayniqsa, “Qöşnilar”, “Opamga” “Yaxşi odamlar” kabi şeʼrlarini muxlislari yodlab oldilar. Bu holat yoş ijodkor qiz könglini yuksaltirdi, ilhom bağişladi va yangi-yangi şeʼrlar bilan muxlislarini mamnun etdi. “Çumçuq bilan Bulbul suhbati”, “Yaxşilik qiling”, “Qiz bolaga” şeʼrlaridagi falsafiy fikrlari bilan öz uslubiga ega ijodkor sifatida ijod maydoni aro dadil qadam qöydi. Jurʼat bilan ilk şeʼrlar töplamini naşriyotga topşirdi.
Yoş havaskor şoiraning “Ilk parvozim” şeʼrlar töplami “Taraqqiyot közgusi“ gazetasi naşriyotida çop etildi. Garçi Barnoxonning ijodida baʼzi kamçiliklar, şeʼriyat talablariga mos kelmaydigan holatlar kuzatilsa-da, uning fikrda dadilligi, ijoddek maşaqqatli yöl aro sabr-toqati, intilişlari qalblarda unga nisbatan işonç uyğotadi.
Işonç – inson orzulariga qanot bağişlaydi. Biz Barnoxon qizimizning kelgusida yanada yetuk va mukammal şeʼrlar bitib, öz köngil saltanatini yanada obod, özgalar qalbini çaroğon etişiga işonamiz.
Robiya YÖLDOŞEVA, Özbekiston Respublikasi Yozuvçilar uyuşmasi aʼzosi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶