QILIChBOY OVULIDA “BIR ASRNING IKKI DAHOSI” NOMLI ADABIY-MUSIQIY TADBIR OʻTKAZILDI
Xalqimizning maʼnaviy dunyosi shakllanishida samarali taʼsir koʻrsatgan ulugʻ bobokalonlarimiz juda koʻp. Ulugʻ zotlar ichida Navoiy va Bobur bobomizning nomi, hayot yoʻli, ijodi adabiyotimiz xazinasida oʻz oʻrniga ega.
Bir asrning ikki dahosi... Ular buyuklardan-da buyuk. Oʻlmas asarlari bilan salkam 600-yildan beri yashab kelmoqda. Ikki buyuk daho haqida gapirish, ularni ehtirom ila yodga olish biz uchun ham qarz, ham farzdir. Shu bois bu yil yurtimizda ulugʻ bobokalonlarimiz Navoiy tavalludining 580 yilligi va Bobur tavalludining 538 yilligi keng nishonlanmoqda.
11-fevral kuni Qilichboy madaniyat markazi va 69-sonli maktab oʻquvchilari hamkorligida ulugʻ ajdodlarimizga ehtirom sifatida “Bir asrning ikki dahosi” nomli adabiy-musiqiy tadbir oʻtkazildi. Tadbirni maktab direktori Dilshod Babaniyozov ochib berdi. Tadbirda ishtirok etgan tuman Xalq taʼlimi boʻlimi uslubchisi Oʻtkir Matmurodov ham soʻzga chiqib, ikki buyuk bobomiz hayoti va ijodi haqida soʻzladi.
Tadbirni 9-sinf oʻquvchisi Goʻzaloy Yoʻldosheva olib bordi. Eng yosh ishtirokchilardan 1-«A» sinf oʻquvchisi Otajon Farhodov Navoiy ruboiylarini ifodali yod aytib, olqishlarga sazovor boʻldi. Shuningdek, oʻquvchilar ijrosidagi mumtoz kuy va qoʻshiqlar, sahna koʻrinishlari va raqslar adabiy kechaga oʻzgacha shukuh bagʻishladi.
Buyuk insonlar Alisher Navoiy va Zahiriddin Muhammad Bobur tavalludiga bagʻishlab oʻtkazilgan ushbu tadbir barchaga juda manzur boʻldi.
Mahbuba Sariyeva, 69-sonli maktabning ona tili va adabiyot fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
