OʻQUVChI-YoShLAR ShIMOLIY-GʻARBIY HARBIY OKRUGDA BOʻLIB, HARBIYLAR HAYoTI BILAN TANIShDILAR
Dunyoda kasblar, hunarlar koʻp. Shu barobarida inson yuragida uygʻonuvchi orzular ham bisyor. Ayniqsa, yigit kishi hayotida hech boʻlmasa bir marta harbiy libos qiyishni, ona Vatan sarhadlarida magʻrur turib, askar qasamini qabul qilishni bolalikdan orzu qilib yashaydi. Tuman Mudofaa ishlari boʻlimi tomonidan umumtaʼlim maktablari bilan hamkorlikda oʻtkaziladigan tadbirlarda bu yaqqol namoyon boʻladi.
Yaqinda, 2020-yilning 24-dekabr sanasida tuman hokimligi yordami bilan tuman Mudofaa ishlari boʻlimi hamda Xalq taʼlimi boʻlimi hamkorlikda tashkil etilgan “Vatanparvarlik oyligi” doirasida 16-, 22-, 38-, 55-, 56-sonli maktablarning bir guruh oʻquvchilari tuman Mudofaa ishlari boʻlimi xodimi M.Madrahimov boshchiligida Shimoliy-gʻarbiy harbiy okrugining dala mashgʻuloti maydonida boʻlib, harbiylar hayoti bilan yaqindan tanishdilar.
Oʻsib kelayotgan yosh avlod qalbida vatanparvarlik tuygʻularini yanada mustahkamlash, globallashuv jarayonida yoshlarni mafkuraviy xurujlardan himoyalash, ularga mamlakatimizning tinchlikparvar siyosati, harbiy salohiyati, mintaqada doʻstlik va tinchlik oʻrnatishga qoʻshayotgan beqiyos katta hissasi haqida keng tushunchalar berishga qaratilgan ushbu tadbirlda 55-sonli umumtaʼlim maktab oʻquvchi-yoshlari ham faol ishtirok etishdi.
Maktabning Chaqiriqqa qadar boshlangʻich tayyorgarlik rahbari N.Oʻrozboyev boshchiligida mazkur tadbirda ishtirok etgan oʻquvchi-yoshlarga, avvalo, maroqli kontsert dasturi, soʻngra Shimoliy-gʻarbiy harbiy okrug zobit va askarlari tomonidan amalga oshirilgan harbiy taktik-oʻquv mashgʻulotlari, koʻrgazmali chiqishlar namoyish etilib, zamonaviy harbiy qurollar koʻrgazmasi tashkil etildi.
Oʻquvchi-yoshlar zobit va askarlarning ona Vatanni himoya qilish har bir yigit kishining burchi, mamlakatimiz mustaqilligini mustahkamlashga hissa qoʻshish esa har bir inson uchun shon-sharaf ekanligi xususidagi soʻzlarini maroq bilan tingladilar. Qoʻmondonlik tomonidan oʻquvchi-yoshlarga koʻrsatilgan katta eʼtibor uchun yoshlar oʻz minnatdorchiliklarini izhor etdilar.
“Vatanparvarlik oyligi” doirasida tumanimiz maktablari oʻquvchilarining Shimoliy-gʻarbiy harbiy okrug zobit va askarlari bilan uchrashuvi hamda dala mashgʻuloti maydonida oʻtkazilgan koʻrgazmali harbiy taktik-oʻquv mashgʻulotlari, harbiy qurollar koʻrgazmasi yoshlarda katta taassurotlar qoldirdi.
B.UTABOYeV, 55-sonli maktab oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
