KOʻPRIK VA TEMIR YOʻL QURILIShI XALQIMIZ UChUN QUVONChLI XUShXABAR BOʻLDI
Oʻtgan yili sentyabr oyida Moʻynoq tumanida Muhtaram Prezidentimiz bilan uchrashuvda Amudaryo tumani ahliga koʻprik masalasi asosiy muammolardan biri ekanligini aytib oʻtgan edik. Ertasi kuniyoq Prezidentimiz Amudaryo tumaniga koʻprik va temir yoʻl qurilishi haqidagi xabarni eʼlon qildilar. Bu xabarni tuman ahli gʻoyat xursand boʻlib kutib olishdi. Mana bugun qurilishi boshlanishining guvohi boʻlib turibmiz.
Azizlar, mana shu aslida maʼnan eskirgan ponton koʻprik 1982-yilda olib kelib oʻrnatilgan. Uzunligi 305 metr.
Bugungi yangi qurilishi rejalashtirilgan koʻprik 413 metr uzunlikda boʻlayotgani, avtotransport va temir yoʻl uchun moʻljallanganligi juda quvonarlidir.
Shariatimizda amallar niyatlarga bogʻliqdir, deyiladi.
Bu koʻprikni mamlakatimiz, xususan, Amudaryo elining farovonligiga xizmat qilishini muhtaram Prezidentimiz niyat qilgan edilar. Biz ana shu niyatning amalga oshishi uchun qoʻyilgan birinchi qadamga guvoh boʻlib turibmiz. Qish boʻlishiga qaramasdan Amudaryo xalqining bugungi kayfiyati bahoriydir. Bu xabarni eshitgan nuroniylarimiz Allohga behisob shukronalar aytib, yurtimiz tinchligi uchun duo qilmoqdalar.
Yana bir marta qilingan yaxshi niyatlarimizni Alloh oʻzi qoʻllasin, deymiz. Qurilishni boshlashga shay boʻlib turgan quruvchilarga Yaratganning oʻzi madadkor boʻlsin!
Azizlar, shu fursatdan foydalanib, barchangizni kirib kelayotgan yangi 2021-yil bilan samimiy qutlayman. Yangi yilda xonadonlaringizda tinchlik, xotirjamlik va omonlik boʻlishini tilayman.
Bekman ALLABERGANOV, nuroniy.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
