SUDDA MUQADDAM JINOYaT SODIR QILGAN ShAXS USTIDAN MAʼMURIY NAZORAT OʻRNATILDI
Jinoyatchilikning oldini olish va huquqbuzarliklar sodir etilishini kamaytirish maqsadida jinoyat va huquqbuzarlik sodir etgan shaxslarga sud tomonidan maʼmuriy nazorat oʻrnatish choralari koʻrilib kelinmoqda. Maʼmuriy nazorat oʻrnatilgan shaxslar bilan muntazam ravishda yakka tartibda profilaktik suhbatlar oʻtkazilishi, bu boʻyicha belgilangan choralarning amalga oshirilishi oʻzining ijobiy samarasini bermoqda. Eʼtiborlisi, bunday shaxslar tomonidan boshqa jinoyat sodir qilinishining oldi olinmoqda.
2020-yil 4-dekabr kuni Jinoyat ishlari boʻyicha tuman sudining majlislar zalida tuman prokurori yordamchisi A.Niyazimbetov va tuman IIB XPB boshligʻi mayor O.Qosimovlar ishtirokida sud majlisi oʻtkazildi. Ushbu sud majlisida “Jazoni ijro etish muassasalaridan ozod qilingan ayrim toifadagi shaxslar ustidan maʼmuriy nazorat oʻrnatish toʻgʻrisida”gi Oʻzbekiston Respublikasi Qonunining talabidan kelib chiqib, muqaddam ogʻir jinoyat sodir qilgan 1 nafar shaxs ustidan maʼmuriy nazorat oʻrnatildi.
Maʼmuriy nazoratga olingan ushbu shaxs bilan doimiy ravishda profilaktik suhbatlar oʻtkazish, unga toʻgʻri hayot yoʻlini tanlashga koʻmaklashish, foydali mehnatga jalb etish boʻyicha tegishli chora-tadbirlar belgilab olindi. Bu boradagi tegishli vazifalar masʼullar zimmasiga yuklatildi.
S.Davletmurodov, Jinoyat ishlari boʻyicha Amudaryo tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
