PISA XALQARO TADQIQOT DASTURI BOʻYIChA SEMINAR-TRENING OʻTKAZILDI
Tumanimizdagi 30- va 40-sonli Xalqaro tadqiqotlarga yoʻnaltirilgan tayanch maktablari trener-oʻqituvchilari va tuman Xalq taʼlimi boʻlimining taʼlim sifati monitoringi mutaxassislari hamkorligida 16- va 76-sonli umumtaʼlim maktablari faollar zalida “Xalqaro tadqiqotlarga yoʻnaltirilgan tayanch maktablarning ularga biriktirilgan maktablar bilan ishlash mexanizmi” mavzusida seminar-trening tashkil etildi. Seminar-treningga tumandagi 30- va 40-sonli Xalqaro tadqiqotlarga yoʻnaltirilgan tayanch maktablariga biriktirilgan barcha umumtaʼlim maktablaridan tayinlangan 2 nafardan, jami 186 nafar trener-oʻqituvchilar ishtirok qilishdi.
Seminar-treningda tayanch maktablarga biriktirilgan maktablar bilan ishlash mexanizmi va ularga belgilangan vazifalar toʻgʻrisida batafsil toʻxtalib oʻtildi. Ishtirokchilarga ushbu vazifalarni amalga oshirish boʻyicha uslubiy tavsiyalar berish bilan birgalikda tayanch maktablar trener-oʻqituvchilari tomonidan taʼlim tizimida Xalqaro tadqiqotlar doirasidagi topshiriqlarni amalda qoʻllash boʻyicha koʻnikmalar shakllantirildi.
Ushbu seminar-treningda ishtirok qilgan har bir maktabning 2 nafar trener-oʻqituvchilari maktab rahbarlariga ushbu ishlarni amalga oshirishda yaqindan yordam beradi. Taʼlim sifatini baholash boʻyicha xalqaro tadqiqotlarni amalga oshirishda trener-oʻqituvchilar oʻquvchilarning 3 ta yoʻnalish, yaʼni, oʻqish, matematika va tabiiy-ilmiy savodxonlik hamda kreativ fikrlashni rivojlantirish va baholash yoʻnalishlari boʻyicha zarur koʻnikmalarni barcha maktablarga yetkazadi.
Seminar-trening ishtirokchilarda zoʻr qiziqish uygʻotdi.
R.Xolmurodov, R.Yoqubova, tuman XTB TSM inspektor-metodistlari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
