PREZIDENTIMIZ GʻAMXOʻRLIGINI BUTUN XALQ QALBAN HIS QILMOQDA

 Prezidentimiz Shavkat Mirziyoyevning BMT Bosh Assambleyasi 75-sessiyasidagi soʻzlagan nutqlarini juda zoʻr kizikish bilan tingladik. Shuni  alohida taʼkidlab oʻtishni istardikki, bugungiday shiddatkor davrda, ayniqsa, koronavirus pandemiyasi butun insoniyatga tahdid solib turgan oʻta murakkab vaziyatda oddiy xalq manfaatlarini koʻzlab, xalqning salomatligini saqlash, ilk bor xududimizga kirib kelgan  kunlardan boshlab, butun kuch va imkoniyatlarni ushbu koʻrinmas yovni jilovlashga qaratgan. Shunday murakkab vaziyatda ham xalqning ijtimoiy himoyaga muhtoj qatlamlariga muntazam ravishda moddiy va maʼnaviy koʻmak berishni birinchi navbatdagi kechiktirib boʻlmas vazifa deb bilgan. Ushbu savobli va saxovatli ishlarning boshida muhtaram yurtboshimizning oʻzlari bosh boʻlib turganlari ham fuqarolarimizning kelajakka boʻlgan umid va ishonchlarini oshirib yubordi.
Shuni komil ishonch bilan aytish mumkinki,bu gʻamxoʻrlikni butun xalqimiz koʻzi bilan koʻrib, qalban his qilib turibdi. Prezidentimiz oʻz nutqlarida Xalqaro hamjamiyatni pandemiyaga qarshi birlashib kurashishga chaqirdilar. Bugungiday inqirozli davrda oziq-ovqat xavfsizligini taʼminlashni oʻta dolzarb vazifa deb taʼkidlaganlari kelgusida bu borada muhim ishlar amalga oshirilishidan dalolat berib turibdi.
Kambagʻallikni qisqartirish, buning uchun qoʻshimcha ish oʻrinlari yaratish, biznesni rivojlantirish, tadbirkorlikni yoʻlga koʻyish, fuqarolarni yangi kasblarga oʻrgatish,   shu orqali insonlarning munosib turmush sharoitlarini yaratish lozimligi toʻgʻrisidagi  oʻta dolzarb muammolarni oʻrtaga tashladilar.
Bizning Yangiobod mahallamizda aholining ishsiz qatlamlarini ishga joylashtirishga alohida eʼtibor karatilmoqda. Ayniqsa, ishsiz xotin-qizlarni tumandagi “Amu tex”, “Asiya silk” qoʻshma korxonalariga, “Kardiamed” xususiy shifoxonasiga ishga joylashtirib, bandligi taʼminlandi. Temir daftarga kiritilgan kam taʼminlangan oilalarning ishsiz aʼzolarini issiqxonalar qurib berib band qilindi. Ayrimlarini tikuvchilik, nonvoylik, kir yuvuvchilik kabi kasblarga  oʻrgatilib, hunarmandchilik, tomorqachilik, chorvachilik va parrandachilik bilan shugʻullanishlari uchun bank kreditlari olishlariga ham yordam berildi.
 Shu tariqa mahallamizda pandemiya boshlangan ilk kunlardanoq aholining ijtimoiy himoyaga muhtoj qatlamlari roʻyxatga olinib, ularga mahalliy tadbirkorlar,” Saxovat va koʻmak” umumxalq harakati va boshqa maxsus jamgʻarmalar orqali muntazam ravishda moddiy yordam koʻrsatib kelinmoqda. Koʻplab fuqarolarimizning bugungi kunda turmush sharoitlari sezilarli darajada yaxshilandi. Jumladan, 20ga yaqin xonadon egalari oʻz xohishlari bilan kam taʼminlangan oilalar safidan chiqib, bugun parrandachilik, chorvachilik kabi oʻzlari istagan kasblar bilan shugʻullanib, oʻz oilalariga qoʻshimcha daromad kiritib  kelmoqdalar.     
  Muhtaram prezidentimiz Sh.Mirziyoyevning BMT Bosh Assambleyasining 75- sessiyasida soʻzlagan nutqlarida bugungi insoniyatni tashvishga solayotgan barcha muhim masalalar oʻrin olganligi bilan ham oʻta ahamiyatlidir.  

Zebo Rajabova, Yangiobod MFY raisi.