XALQIMIZNING MAIShIY MUAMMOLAPINI HAL ETISh - BUPChIMIZ
Tumanimiz markazi – Mangʻit shahri mahallalari aholisining xavfsizligini taʼminlash, mahallalar hududidagi xonadonlarda yongʻin chiqishining oldini olish maqsadida Qoraqalpogʻiston “Suv tarmoqlari” MChJga qarashli Amudaryo tuman “Suv tarmoqlari” filiali mutaxassislari hamda tuman favqulodda vaziyatlar boʻlimi tomonidan zarur chora-tadbirlar amalga oshirilmoqda.
Mahallalar hududlaridagi ishlab chiqarish xususiy korxonalari, aholi xonadonlarida, tandirxona va molxonalarida yongʻin chiqish xavfi yuzaga kelganda “Suv tarmoqlari” filiali tasarrufidagi yongʻinga qarshi yer osti suv olgichlari, yaʼni gidrantlarning doimiy sozligi muhim ahamiyatga ega. Shu bois, filial mutaxassislari tomonidan mahallalar hududidagi yongʻinga qarshi yer osti suv olgichlarining holati tez-tez texnik koʻrikdan oʻtkazilib turiladi va aniqlangan kamchiliklarni bartaraf etish choralari koʻriladi.
Shuni alohida taʼkidlash kerakki, aholini ichimlik suvi bilan taʼminlovchi yer osti suv tarmoqlarining sozligi, mazkur suv tarmoqlarining bir maromda ishlashini taʼminlashga xizmat qiluvchi quduqlar tozaligi hamda shu hududlarga oʻrnatilgan joʻmraklar texnik talablar darajasida boʻlishi, avvalo, aholini toza ichimlik suvi bilan taʼminlash imkonini beradi. Bundan tashqari, sanitariya-gigiyena qoidalariga munosib darajadagi kommunal xizmat koʻrsatilishini taʼminlaydi. Shu bois, filialimiz tomonidan ichimlik suvi yetkazib beruvchi yer osti suv tarmoqlarining doimiy sozligi ham qatʼiy nazorat qilib borilishiga erishilmoqda. Xususan, Mangʻit shahri hududidagi mahallalarda 205 ta yongʻinga qarshi yer osti suv olgichlari mavjud. Shuningdek, suv quvurlaridagi quduqlar va joʻmraklar soni esa 300 tadan ortiq.
Yaqinda “Suv tarmoqlari” filiali mutaxassislari tomonidan mazkur yongʻinga qarshi yer osti suv olgichlari, aholini ichimlik suvi bilan taʼminlovchi suv quvurlaridagi quduqlar va joʻmraklarning texnik holati koʻrikdan oʻtkazildi.
Koʻrik-nazorat ishlari jarayonida Olmazor mahalla fuqarolar yigʻini hududidagi yongʻin oʻchirish gidrantining nosoz ekanligi aniqlandi va zarur taʼmirlash-tiklash ishlari olib borildi.
Mangʻit shahrining Doʻstlik mahallasi hududidagi ichimlik suv tarmoqlariga tegishli quduqlarga oʻrnatilgan joʻmraklar ham talablar darajasida emasligi maʼlum boʻldi. Filial mutaxassislari tomonidan mazkur hududdagi ichimlik suv tarmoqlari quduqlariga oʻrnatilgan joʻmraklar birma-bir koʻrikdan oʻtkazilib, aniqlangan kamchiliklar joyida bartaraf etildi.
Aholining maishiy muammolarini hal etish, ayniqsa, suv tarmoqlarining hamisha soz holatda boʻlishini taʼminlash tuman “Suv tarmoqlari” filiali ishchi-xizmatchilarining doimiy vazifasidir. Chunki xalqqa xizmat qilishning bu yoʻnalishini zamon talablari darajasiga koʻtarish davr talabi, buni unutishga xaqqimiz yoʻq.
A.Pajapov, Qoraqalpogʻiston “Suv tarmoqlari” MChJ
Amudaryo tuman “Suv tarmoqlari” filiali boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
