TUMANDA KAPANTIN QOIDALAPIGA AMAL QILINIShI BOʻYIChA NAZOPAT TADBIPLAPI OʻTKAZILDI

Bugungi kunda mamlakatimizda koronavirus infektsiyasi tobora koʻproq hududlarni qamrab olayotgani, kasallikning yangi oʻchoqlari paydo boʻlayotgani har birimizni xotirjamlikka berilmasdan, karantin qoidalariga qatʼiy rioya qilishimizni, har birimiz oʻz-oʻzimizni koronavirusga chalinishdan himoya qilishimiz lozimligini taqozo etmoqda.
Shunisi aniqki, hech kim “men bu kasallikka chalinmayman”, deya olmaydi. Faqat kasallikka qarshi birgalikda kurashish, karantin qoidalariga amal qilish va zarurat tugʻilmaganda koʻchaga, odamlar toʻplanadigan joylarga bormaslik lozim. Biroq bunga hamma ham birday amal qilayaptimi?
Shu yilning 15-16-iyun kunlari tumanimizda karantin qoidalariga amal qilinishi, koʻcha va jamoat tartibini saqlash, yoʻl harakati va fuqarolar xavfsizligini taʼminlash, jinoyat va  huquqbuzarliklarning oldini olish maqsadida tuman Ichki ishlar boʻlimining patrul va tungi reyd tadbirlari oʻtkazildi. Natijada 150 holatda turli huquqbuzarliklar aniqlandi. Yoʻl harakati qoidalarini buzish boʻyicha 30 ta, shuning 2 tasi mast holatda transport boshqarish, 8 tasi yoʻlovchi tashish qoidasini buzish, 8 tasi yoʻl chiziqlariga rioya qilmaslik, 4 tasi yoritish chiroqlaridan notoʻgʻri foydalanish, 4 tasi xavfsizlik kamaridan foydalanmaslik, 4 tasi piyodalarga yoʻl bermaslik holatlari aniqlandi va bu boʻyicha maʼmuriy bayonnomalar rasmiylashtirildi.
Shuningdek, tadbir davomida karantin qoidalariga amal qilmay koʻchalarda harakatlanayotgan, jamoat joylarida yurgan 100 nafar fuqarolarga tushuntirish ishlari olib borildi.

Shu yilning 17-iyunida Qoraqalpogʻiston Pespublikasi Ichki ishlar vazirligi xodimi, mayor Pashid Shonkakov, Milliy gvardiya xodimi, mayor Marat Abdiyev, Qoraqalpogʻiston Pespublikasi sanitariya-epidemiologiya osoyishtalik xodimi Poxat Xojalepesov, tuman Ichki ishlar boʻlimi Huquqbuzarliklar profilaktikasi boʻlinmasi profilaktika inspektori, katta leytenant Farhod Abdirahimov, Qoraqalpogʻiston Pespublikasi Sanitariya epidemiologiya nazorati boshqarmasi tuman filiali inspektori Norgul Atabayevalar tumanimiz hududida karantin qoidalariga amal qilinishi yuzasidan reyd tadbirini oʻtkazdilar.
Mangʻit shahrining Buyuk Turon koʻchasida joylashgan “Mangʻit” avtoshohbekatidagi holat oʻrganilganida shohbekat chiptaxonasi kirish eshigida dezinfektsion toʻshama mavjud emasligi, eshiklar tutqichlari xlorli  dezinfektsiyalangan matolar bilan oʻralib, ishlov berilmaganligi, antiseptik vositalar bilan taʼminlamaganligi, chipta  oluvchilar orasida oraliq masofa saqlanmayotganligi, karantin qoidalariga doir eslatmalar  mavjud emasligi aniqlandi.
Mangʻit Dehqon bozori va atrofidagi savdo doʻkonlari ham karantin qoidalariga zid ravishda faoliyat yuritayotgan, tibbiy niqob va qoʻlqopsiz savdo qilayotgan xodimlar ham uchradi. Bundan tashqari mahsulotlarni doʻkon tashqarisida ham sotish holatlariga yoʻl  qoʻyilgan, xaridorlar orasida masofa saqlanmagan. Xuddi shunday kamchiliklarga yoʻl qoʻygan Shirin Haytimbetova, Nuriddin Haydarov, Gulimbat Pajabovlar maʼmuriy javobgarlikka tortildilar.
Ushbu hududdagi “Pavshanbek-Yulduzxon” masʼuliyati cheklangan jamiyatiga qarashli savdo majmuasining kirish eshigida dezinfektsion toʻshama mavjud emas, tashrif buyuruvchilarning tana haroratini oʻlchash uchun teplovizor, antiseptik vositalar bilan taʼminlanmagan. Shuningdek, majmua orqa va yon taarflarida, belgilanmagan joylarda kiyim-kechaklar savdo oʻrinlari tashkil etilgan.
Avtoshohbekat yonidagi “Temur” kafesi kirish eshigida dezinfektsion toʻshama mavjud emas. Eshiklar tutqichlariga dezinfektsiyalangan mato bilan ishlov berilmagan, antiseptik vositalar yoʻq. Ushbu kafega masʼul boʻlgan xodim ham kafeda tibbiy niqobsiz yurganligi aniqlandi. Bu boʻyicha joyida maʼmuriy bayonnoma tuzildi.
Mangʻit shahrining Qilichboy koʻchasida joylashgan Gulbahor Qurbonboyevaga tegishli binoda ijarada turib, faoliyat yuritayotgan tikuv tsexida ham xuddi shunday kamchiliklar mavjud, hatto ushbu faoliyat turi bilan shugʻullanish uchun tsex egasi boʻlgan shaxsda guvohnoma ham yoʻq ekanligi maʼlum boʻldi. Bu boʻyicha ham maʼmuriy bayonnoma tuzildi.

Tezkor tadbir davomida Mangʻit Dehqon bozori atrofida karantin qoidalariga amal qilmay harakatlanayotgan fuqarolar aniqlandi va ular ham maʼmuriy javobgarlikka tortildi.
Buningdek, nazorat tadbirlarini oʻtkazishdan maqsad koronavirus infektsiyasining tarqalib ketishining oldini olish yuzasidan qabul qilinayotgan chora-tadbirlarga aholini amal qilishga jalb etish, har bir fuqaroning  koronavirus infektsiyasining jilovlanishida oʻrni nechogʻlik muhim ekanligini targʻib etish, belgilangan qonun-qoidalarni pisand qilmayotganlarga chora  koʻrishdir. Boisi kasallikka qarshi kurash natijasi hammamizga, har birimizga bogʻliq.