Yoshlar oʻrtasida xuquqbuzarlik va jinoyatchilikning oldini olish boʻyicha yigʻilish boʻlib oʻtdi
Yoshlar oʻrtasida huquqbuzarlik va jinoyatchiliklarning oldini olish masalasi bugungi kunda Yoshlarga oid davlat siyosatining dolzarb yoʻnalishlaridan biridir. Shu maʼnoda mamlakatda huquqni muhofaza qiluvchi organlar, vazirlik va idoralar hamda nodavlat notijorat tashkilotlari bilan birga jamoatchilik vakillari tomonidan yoshlarning siyosiy faolligini oshirish, huquqiy ongi va madaniyatini rivojlantirish hamda yoshlar oʻrtasida jinoyatchilikning oldini olish borasida amaliy ishlar qilinmoqda.
Tumanimizda ham bu borada samarali chora-tadbirlar amalga oshirilmoqda. Xususan, shu maqsadda 7-fevral kuni 16-sonli ixtisoslashtirilgan davlat umumtaʼlim maktabida "Yoshlar oʻrtasida huquqbuzarlik va jinoyatchilikning oldini olish" mavzusida yigʻilish oʻtkazildi.
Tadbirda OʻzMTDP tuman Kengashi raisi Gulzoda Eshimbetova, 3-Boyovul saylov okrugidan tuman Kengashi deputati Oybek Begimov, Tuman IIB boshligʻi oʻrinbosari Aziz Qurboniyozov, Jinoyat ishlari boʻyicha tuman sudi raisi Sultonmurod Davletmurodov, Iqtisodiy ishlar boʻyicha tuman sudi raisi Oʻtkir Sobirov, Maʼmuriy ishlari boʻyicha tuman sudi raisi Munavvar Karimboyeva hamda Boyovul mahalla fuqarolar yigʻini raisi Erkin Husainov, mahalla faollari hamda maktabning yuqori sinf oʻquvchilari ishtirok etdilar.
Uchrashuvda mutasaddilar mamlakatimizda qonun ustuvorligini taʼminlash, aholi, ayniqsa, yoshlar oʻrtasida jinoyatchilik va huquqbuzarliklarning oldini olish borasida amalga oshirilayotgan chora-tadbirlar haqida fikr-mulohazalarini bayon qildilar. Soʻzga chiqqan masʼullar mamlakat taraqqiyoti avvalo yoshlarga, ularga qanday taʼlim-tarbiya berilayotganiga bogʻliq ekanligini taʼkidlashdi. Shuningdek, jamiyatda ota-onalarning rolini oshirish bilan birga yoshlarimizning huquqiy madaniyati va huquqiy qarashlarini yuksaltirishga hamda qonunga itoatkorlik xulqini shakllantirishga qaratilgan tarbiyaviy va tashkiliy xususiyatga ega boʻlgan keskin choralar koʻrish, huquqbuzarliklarning oldini olishda fuqarolarning ishtirokini taʼminlash zarurligi alohida qayd etildi.
Darhaqiqat, jamiyatda tinchlik-osoyishtalikni taʼminlash, xalqning farovon hayot tarzini yanada mustahkamlash, ertamiz egalari boʻlgan yoshlarni Vatanga munosib farzand qilib tarbiyalashda jinoyatchilik va huquqbuzarliklarning oldini olish maqsadida oʻtkazilayotgan tadbirlar muhim ahamiyat kasb etadi. Zero, davlatimiz rahbari taʼbiri bilan aytganda “…Jamiyatda qonun ustuvorligini taʼminlash – amalga oshirilayotgan barcha islohotlar samaradorligiga erishish, aholi turmush darajasini oshirish, mamlakatda tinchlik, totuvlik va barqaror vaziyatni taʼminlashning asosiy kafolatidir.”
Yigʻilishda mahalla faollari, oʻquvchi-yoshlar oʻzlarini qiziqtirgan savollar bilan mutasaddilarga murojaat qildilar. Masʼullar tomonidan barcha savollarga batafsil javoblar berildi.
Charos Arslonova, tuman hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
