AMUDARYoLIK TALABA “YIL TALABASI -2019” TANLOVI SOVRINDORI BOʻLDI
Mamlakatimizda faol, intiluvchan, iqtidorli talabalarni aniqlash va ragʻbatlantirish maqsadida har yili “Yil talabasi” tanlovi oʻtkazib kelinadi. Albatta, avvalo oliy taʼlim muassasasi talabasi boʻlishning oʻzi yoshlar uchun bir baxt. Boisi buning uchun qancha oʻqish, oʻrganish, oʻz ustingda ishlash talab etiladi. Talabalik baxtiga muyassar boʻlgan yoshlar uchun ularning faolligini, iqtidorini, salohiyatini sinovdan oʻtkazuvchi koʻplab tanlovlar, musobaqalar oʻtkazib turish odat tusiga aylanib qolgan. “Yil talabasi” respublika tanlovi shularning eng nufuzlisi, desak adashmagan boʻlamiz.
Yaqinda ushbu tanlovning 2019-yilgi yakuniy bosqichi oʻtkazildi. Unda ushbu tanlovning quyi bosqichlarida qatnashgan va gʻolib boʻlgan mamlakatimizdagi oliy taʼlim muassasalari talabalari ishtirok etdilar.
Quvonarlisi, mazkur tanlov sovrindorlari safida tumanimizning Yuqoriqishloq mahallasida tugʻilib oʻsgan, hozirgi kunda Qoraqalpoq davlat universitetida taʼlim olayotgan Otabek Rahimboyev ham bor. U tanlovning “Yilning eng faol bloger talabasi” nominatsiyasida uchinchi oʻrinni egalladi. Otabek Rahimboyevni erishgan muvaffaqiyati bilan tabriklab, yutuqlari bardavom boʻlishini tilab qolamiz.
SEVARA ISMOILOVA, QDU talabasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
