IShChI GURUH AʼZOLARI ChOYKOʻLLIK YoShLARGA YOʻLSOZLIK BOʻYIChA MAHORAT DARSI OʻTIShDI
Oʻzbekiston Respublikasi Prezidentining fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish boʻyicha maslahatchisi oʻrinbosari Alisher Usmonov boshchiligida Oʻzbekiston Respublikasi barcha vazirliklari, boshqarmalari masʼul xodimlaridan iborat ishchi guruh shu yil 16-yanvar kuni yoshlar hayotini oʻrganish maqsadida tumanimizda boʻldi va ular ishtirokida turli maʼnaviy-maʼrifiy, madaniy tadbirlar oʻtkazildi.
Respublika ishchi guruh aʼzolari – “OʻzAvtoyoʻl” qoʻmitasi boʻlim boshligʻi Otanazar Jumaniyozov, “KKavtoyoʻl” boshqarmasi boshligʻi oʻrinbosari Xudoybergan Uteniyazovlar Choykoʻl ovulining Qoraqipchoq aholi punktidan 22-sonli maktabga olib boruvchi, uzunligi 740 metr boʻlgan taʼmirtalab yoʻlga tosh toʻshalishiga bosh-qosh boʻldilar.
Ovul yoshlari ishtirokida tuproq yoʻl tosh toʻshalgan yoʻlga aylantirildi. Shuningdek, yosh yigit-qizlar yoʻl qurilishida ishlatiladigan maxsus texnikalar bilan tanishtirildi. Ularga haydovchilar tomonidan ushbu texnikalarni boshqarish usullari oʻrgatildi, harakatlanish imkoniyatlari koʻrsatib berildi.
Shundan soʻng, ishchi guruh aʼzolari 22-sonli maktab yuqori sinflari oʻquvchilariga yoʻl sohasi mutaxassislari bilan birgalikda yoʻlsozlik boʻyicha mahorat darsini oʻtdilar. Asosan oʻquvchilarni sohaga qiziqtirish, bu borada ularda ilk koʻnikmalarini shakllantirish maqsadida oʻtkazilgan tadbirda oʻquvchilar yoʻlsozlardan oʻzlarini qiziqtirgan barcha savollarga javoblar oldilar.
Tadbirda faol ishtirok etgan oʻquvchilarga qimmatbaho sovgʻalar berilib, ragʻbatlantirildi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
