TOʻY VA MAROSIMLARNI TARTIBGA SOLISh TARGʻIBOTIGA BAGʻIShLANGAN YIGʻILIShLAR OʻTKAZILMOQDA
Toʻylar, marosimlar, oilaviy tantanalar xalqimiz hayotining koʻzgusi, azaliy qadriyatlaridandir. Yaxshi kunlarida bir-birovning quvonchiga sherik boʻlish, qaygʻuli damlarida suyanchik boʻlish – asrlar osha yashab kelayotgan, turmush tarzimizdan oʻrin olgan urf-odatlarimizdir.
Afsuski, keyingi yillarda toʻy-marosimlar bavdavlat oilalarning “bori”ni koʻz-koʻzlaydigan minbarga aylanib, ortiqcha sarf-xarajatlar, isrofgarchiliklarga yoʻl qoʻyilayotgani koʻpchilikning haqli eʼtirozlariga sabab boʻlayotgan edi. 2019-yil 14-sentyabrda Oʻzbekiston Respublikasi Oliy majlisi qonunchilik palatasi va Senati Kengashlarining qabul qilgan “Toʻylar, oilaviy tantanalar, maʼraka va marosimlar oʻtkazilishini tartibga solish tizimini yanada takomillashtirish toʻgʻrisida”gi qoʻshma qarori shu boisdan ham yurtdoshlarimiz tomonidan qizgʻin qoʻllab-quvvatlanmoqda.
Ushbu qarorga muvofiq qabul qilingan Nizomda esa toʻy, marosimlarni, oilaviy tantanalarni oʻtkazish tartiblari, ushbu qoidalarga boʻysunmaganlarga berilangan choralar belgilangan.
Ushbu tartib-taomillar kelgusi 2020-yilning 1-yanvaridan kuchga kiradi.
Tumanimizda ushbu qaror va unga koʻra qabul qilingan Nizom mazmun-mohiyatini aholiga keng targʻib qilish maqsadida ishchi guruh tuzildi. Guruh ayni kunlarda tumanimizning barcha hududlarida yigʻilishlar oʻtkazib, unda soʻnggi yillarda xalqimizning uzoq yillik qadriyatlari va anʼanalarini oʻzida aks ettiruvchi toʻylar, oilaviy tantanalar, maʼraka va marosimlar oʻtkazishda shuhratparastlik, oʻzini koʻz-koʻz qilish, boshqalarning ijtimoiy ahvolini inobatga olmaslik, isrofgarchilik, xalqimizning asrlar osha yashab kelayotgan urf-odatlari va anʼanalarini mensimaslik kabi illatlar avj olib ketganini, bu ayrim oilalarni toʻy, marosimlarni oʻtkazishda qiyin holatga solib qoʻyayotgani va bunga endilikda chek qoʻyish lozimligi haqida hayotiy misollar orqali tushuntirmoqdalar.
Yaqinda shunday yigʻilishlardan biri Qipchoq ovul fuqarolar yigʻinida boʻlib oʻtdi.
Yigʻilishdao vul fuqarolar yigʻini masʼul xodimlari, hudud aholisi va tuman ishchi guruh aʼzolari ishtirok etdilar.
Yigʻilishni yigʻin raisi S.Nametov ochdi va olib bordi.
Kun tartibidagi masala yuzasidan ishchi guruh aʼzolari - Mahalla Kengashi raisi oʻrinbosari M.Kazakov, “Nuroniy” jamgʻarmasi tuman boʻlimi raisi B.Allaberganovlar oʻz fikr-mulohazalarini bildirdilar, Oʻzbekiston Respublikasi Oliy Majlisi qonunchilik palatasi va Senati Kengashlarining “Toʻylar oilaviy tantanalar, maʼraka va marosimlar oʻtkazilishini tartibga solish tizimini yanada takomillashtirish toʻgʻrisida”gi qoʻshma qarori va unga muvofiq qabul qilingan Nizom ahamiyati haqida batafsil tushunchalar berdilar, turmushimizga tatbiq etish bu boradagi kamchiliklarga barham berishini taʼkidladilar.
Ana shunday yigʻilishlar tuman ishchi guruhi aʼzolari ishtirokida Xitoy, Qilichboy ovul fuqarolar yigʻinlarida ham oʻtkazildi.
Otabek IBRAGIMOV,
“Mahalla” Kengashi raisi oʻrinbosari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
