OTABEK PAHIMBOYeV – OSIYo YoShLAP KONFEPENTsIYaSINING EKOLOGIYa YOʻNALIShIDA “ENG YaXShI MAQOLA MUALLIFI” VA “ENG FAOL PAIS OʻPINBOSAPI” NOMINATsIYaLAPI GʻOLIBI BOʻLDI

Shu yilning 6-8-sentyabr kunlari Toshkent shahrida koʻplab olovqalb, vatanparvar yoshlarni oʻz bagʻriga jamlagan Osiyo yoshlar konferentsiyasi boʻlib oʻtdi.

Oʻzbekiston yoshlar ittifoqi va Oʻzbek xalqaro huquq assotsiatsiyasi hamkorligida mamlakatimizda ilk bor oʻtkazilgan  bunday nufuzli anjumanda yurtimizda hamda qoʻshni davlatlarda faoliyat koʻrsatayotgan oliy taʼlim muassasalarining faol va iqtidorli talabalari 6 ta yoʻnalish boʻyicha oʻz bilimlarini sinovdan oʻtkazdilar.

Konferentsiya ishtirokchilari safida Qilichboy ovulining yuqori qishloq mahallasida tugʻilib oʻsgan, hozir Qoraqalpoq davlat universitetining geografiya va tabiiy resurslar fakultetining   3 kursida tahsil olayotgan Otabek Pahimboyev ham bor. U yoshlar uchun oʻz iqtidorlarini namoyish etish imkoniyati yaratilgan anjumanda ekologiya yoʻnalishi boʻyicha qatnashdi va bu boradagi “Eng yaxshi maqola muallifi” hamda “Eng faol guruh raisi oʻrinbosari” nominatsiyalari boʻyicha xalqaro darajadagi sertifikatlar bilan taqdirlandi. U rais oʻrinbosari boʻlgan ekologiya guruhi “Oʻzbekistonda ekologik madaniyatni oshirish va yashil iqtisodiyotga oʻtishning 5 yillik davlat dasturi”  mavzusida ishlagan loyihasi “Eng yaxshi loyiha” deb baholandi va faxrli birinchi oʻrinni egalladi.

–  Konferentsiyadan olgan taassurotlarimni soʻz bilan ifodalay olmayman. Guruhimiz ishlab chiqqan loyiha birinchi oʻringa munosib koʻrilganini, ekologik vaziyatni yaxshilashga qaratilgan takliflarimizga  yuqori  baho berilgani bizni juda ruhlantirdi. Kelgusida bularga eʼtibor qaratilishiga ishonchimizni oshirdi – deydi Otabek Pahimboyev.

Anjuman tugagach, Oliy majlis Qonunchilik palatasi spikeri oʻrinbosari, Oʻzbekiston Ekologik partiyasi markaziy Kengashi  raisi B. Alixonov yoshlar bilan  uchrashib, suhbatlashdi. Shu yerning oʻzida bir guruh yoshlar Oʻzbekiston Ekologik Harakati jamoatchi inspektori qilib ishga olindi. Otabek Pahimboyev ham Qoraqalpogʻiston Pespublikasi boʻyicha vakil qilib tayinlandi. Ularga shu yerning oʻzida guvohnoma ham taqdim etildi.

Otabek Pahimboyev erishgan yutuqlar biz ilk bosqich talabalarini ham qunt bilan oʻqib oʻrganishga,  intilishga daʼvat etadi. Zero, bizning yurtimizda har bir yoshning oʻz iqtidorini namoyish etishi uchun barcha sharoitlar muhayyo.

Sevara Ismoilova
QDU 1-bosqich talabasi.