TUMANIMIZDAGI 1 TA KOLLEJ TEXNIKUMGA, 2 TA KOLLEJ KASB-HUNAP MAKTABIGA AYLANTIPILADI
2019-yil 6-sentyabrda mamlakatimizda mehnat bozori talablariga mos yuqori malakali kadrlarni tayyorlash, taʼlim sifatini baholashning xalqaro standartlarini joriy etish, ilm-fanda erishilayotgan yangiliklarni amaliyotga tatbiq etishning samarali tizimini yaratish orqali taʼlim sohasida islohotlarning samaradorligiga erishish maqsadini nazarda tutuvchi “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi Prezidentning Farmoni qabul qilindi.
Farmonga koʻra 2020-2021 oʻquv yilidan boshlab, mamlakatimizda taʼlimning xalqaro standart tasniflagichi bilan uygʻunlashgan yangi boshlangʻich, oʻrta va oʻrta maxsus professional taʼlim tizimi hamda tabaqalashtirilgan taʼlim dasturlari joriy etiladigan taʼlim muassasalari tarmogʻi tashkil etilib, mazkur dasturlar asosida tegishli kadrlar tayyorlaydigan taʼlim muassasalari roʻyxatlari tasdiqlandi.
Endilikda kasb-hunar maktablarida maktablarning 9-sinf bitiruvchilariga 2 yillik kunduzgi taʼlim beriladi va taʼlim olayotgan oʻquvchilar davlat byudjeti hisobidan bazaviy hisoblash miqdorining bir baravari miqdorida oylik stipendiya hamda uch mahal ovqat bilan taʼminlanadi.
Kollejlarda kamida umumiy oʻrta maʼlumotga ega boʻlgan shaxslarga kasblar va mutaxassisliklarning murakkabligidan kelib chiqqan holda 2-yilgacha muddatda kunduzgi, kechki va sirtqi taʼlim shakllarida davlat buyurtmasiga binosi toʻlov-kontrakt asosida taʼlim beriladi.
Texnikumlarda esa umumiy oʻrta maʼlumotga ega boʻlgan shaxslarga kasblar va mutaxassisliklarning murakkabligidan kelib chiqqan holda 2-yildan kam boʻlmagan muddatda kunduzgi, kechki va sirtqi taʼlim shakllarida davlat buyurtmasiga binoan toʻlov-kontrakt asosida taʼlim beriladi.
Shunisi ahamiyatliki, texnikumlarni tamomlaganlar oʻz sohasiga mos bakalavriat taʼlim yoʻnalishlarida kirish imtihonlarisiz, yakka tartibdagi suhbat orqali oliy taʼlim muassasalariga 2-kursdan qabul qilinadi.
Farmonga koʻra 2020-yil 1-sentyabrdan Mangʻit qishloq xoʻjalik kasb-hunar kolleji Qoraqalpoq davlat universiteti qoshidagi texnikumga, Amudaryo agrobiznes kasb-hunar kolleji va Amudaryo xizmat koʻrsatish va servis kasb-hunar kolleji esa 9-sinfni bitirganlar oʻqiydigan stipendiya toʻlanadigan kasb-hunar maktabiga aylantirilishi rejalashtirilmoqda.
Farmon yoshlarimizning oʻzlari xohlagan kasb yo mutaxassislikni puxta egallab, hayotda oʻz oʻrinlarini topishlariga yordam beradi.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
