YaNGI OʻQUV YILI YaQIN, TAYYoPGAPLIKLAP QANDAY?

 Yozgi taʼtil qanchalik maroqli va sarguzashtlarga boy boʻlmasin,baribir oʻquvchi yoshlar yangi oʻquv yilini, birga taʼlim olayotgan doʻstlarini , ustozlarini sogʻinishadi  va qadrdon maktabiga borishga oshiqishadi.

Tumanimizdagi  87ta umumtaʼlim maktablarida hademay yangi  oʻquv yili boshlanib, sinfxonalar  kelajak sari dadil intilayotgan oʻgʻil- qizlar bilan gavjum boʻladi.

 Ayni kunlarda maktablarning barchasida ham yangi oʻquv yiliga tayyorgarlik ishlari qizgʻin ketayapti—maktablar taʼmirlanib, atroflari obodonlashtirilmoqda, har bir sinflar uchun sinfxonalar belgilanib,  bezatilmoqda.

         Yetarlicha kadrlar salohiyatiga ega boʻlgan 26-sonli umumtaʼlim maktabida yangi oʻquv yilida 42 nafar malakali oʻqituvchilar 488 nafar oʻquvchilarga taʼlim- tarbiya beradi. 2017-yilda Investiya dasturiga muvofiq kapital taʼmirlangan maktab  binosi, sinfxonalar , fasad qismi oʻquvchilarda toʻgʻri munosabat   tarbiyalangani bois, xuddi yangidan taʼmirdan chiqarilganday tasavvur uygʻotadi odamda.Joriy yilda ham maktab yer uchastkasidan olingan daromad va yakka tadbirkor Zamira Xolboyeva, fermerlar Nuriddin Karimov va Pufat Ahmedovlarning homiylik mablagʻlari  hisobiga sinfxonalar pollari,partalar va stullar  boʻyaldi,  maktab filialining sinfxonalari pollari , fasad qismi boʻyalib, chiroyli koʻrinish kasb etdi. Shuningdek, mahalliy byudjet mablagʻlari hisobidan maktabga va filialiga hojatxonalar qurildi.

Ayni kunlarda maktabda  sinfxonalarni bezatish ishlari amalga oshirilayapti.

 42-sonli umumtaʼlim maktabi 2018-yilda 1,5mlrd . soʻmlik  mablagʻ hisobiga kapital taʼmirlangan edi. 2019 – 2020 oʻquv yili oldidan  homiylik mablagʻlari hisobidan sinfxonalar pollari, partalar boʻyaldi, kuz- qish mavsumi uchun 26 tonna koʻmir yoqilgʻisi gʻamlandi, 1-sinfga qabul qilinayotgan 50 nafar bolajonlar uchun  ikkita sinfxona alohida  bezatildi.Yangi oʻquv yilida mazkur maktabda 520 nafar oʻquvchilar taʼlim- tarbiya olishadi. Tayyorgarliklar ham shunga monand olib borilayapti.

76-sonli umumtaʼlim maktabida oʻtgan davrlarda obodonlashtirish, koʻkalamzorlashtirish ishlari yaxshi olib borilganligi tufayli hududi goʻzal manzara kasb etgan va koʻrgan koʻzni quvnatadi.Did bilan ekilgan  archalar, turli qulf urib ochilib turgan gullar ostonadayoq maktab haqida iliq taassurotlar uygʻotadi. Maktabda yangi oʻquv yilida 549 nafar oʻquvchi ikki smenada taʼlim olishadi .Bu yil birinchi sinflarga 64 nafar bolajonlar qabul qilinadi. Ularning va barcha oʻquvchilarning  puxta oʻqib- oʻrganishlari uchun sinfxonalar pollari , partalar, stullar boʻyalib, koʻrgazmali qurollar,  alloma bobolarimizning ilm olishga undaydigan hikmatli soʻzlari bilan bezatildi, bir sinfxona yangidan pol qilindi, isitish qozonxonalari taʼmirlandi. Shuningdek maktab hojatxonasi mahalliy byudjet mablagʻi hisobidan taʼmirlandi.

 Ilm-maʼrifat – mamlakat taraqqiyotini taʼminlovchi kuchdir. Bu kuchni esa ong-u shuurimizga  maktabda muallim joylaydi. Buning uchun munosib sharoitlar yaratish  bugungi kunning eng muhim vaifalaridandir.