OSIYo YoShLAP KONFEPENTsIYaSI FAOL YoShLAPNI ChOPLAYDI

Har bir jamiyatning, unda yashaydigan insonlarning taqdiri va kelajagi albatta, yoshlar tarbiyasi bilan chambarchas bogʻliqdir. Bugungi kunda davlatimizning asosiy maksadlaridan biri kelajak poydevori boʻlgan yoshlarni huquqiy, maʼnaviy, siyosiy, va axloqiy yetuk, mustaqil fikrlovchi, barkamol avlod qilib voyaga yetkazishdir. Hozir mamlakatimiz aholisining 60 foizidan ortigʻini yoshlar tashkil qiladi. Yoshlar jamiyatimizda amalga oshirilayotgan tarixiy jarayonlarning barcha sohalarida faol ishtirok etishmoqda.

Mamlakatimiz taqdiri, xalqimiz ertangi kunini belgilab beradigan yoshlarni har tomonlama qoʻllab-quvvatlash, ularning iqtidori, isteʼdodi, salohiyati, imkoniyati va kuch-gʻayratini jamiyatimizning turli jabhalarida amalga oshirishga qaratilgan keng koʻlamli islohotlar va saʼy-harakatlarni alohida taʼkidlash joiz. Shunday tadbirlardan biri joriy yilning. 6-7 va 8-sentyabr kunlari Toshkentda oʻtkazilishi kutilayotgan Osiyo Yoshlar Konferentsiyasi bunga misol boʻla oladi.

Mazkur konferentsiya 6 ta yoʻnalish, yaʼni: ekologiya, turizm, ijtimoiy hayot, axborot texnologiyalari, huquq va iqtisodiyot sohalarini qamrab oladi. Qatnashuvchilar oʻzlari qiziqqan yoʻnalishni tanlab, shu sohaga oʻz fikr va takliflarini bildirishlari, bu sohaning yaxshi va yomon tomonlarini qolganlarga koʻrsatib berishlari mumkin. Va ushbu sohaning hali yechilmagan muammolariga jamoa boʻlib birgalikda yechim topishga harakat qilanadi.

Konferentsiyani oʻtkazishdan maqsad yoshlarning oʻziga boʻlgan ishonchini uygʻotish, boshqa yoshlarga motivatsiya berish va ularning oʻzlari uchun zarur boʻlgan bilimlarni qoʻlga kiritishlariga undash hisoblanadi. Konferentsiyaga 600 nafar yoshlar, shu jumladan, 500 nafar oʻzbekistonlik, 100 nafar chet ellik yoshlar jalb qilinishi rejalashtirilmoqda.

Bundan maqsad esa, yoshlarimiz faqatgina oʻz doʻstlari bilan cheklanib qolmasdan, boshqa davlat yoshlari bilan ham maʼlum bir fikr almashishi, ular bilan yaqindan doʻst boʻlishlariga koʻmaklashishdir.

Vatanimiz ravnaki - yoshlarimiz baxt-saodatining asosiy shartlaridan biri boʻlib xisoblanadi. Bu yoʻlda munosib bilim va tarbiyaga ega boʻlgan, halol, pok, mehnatsevar, oʻz ishini mustaqil bajara oladigan odobli yoshlar boʻlishimiz bugungi kun talabidir.

Shunday ekan, siz ham roʻyxatdan oʻtishga shoshiling. Konferentsiyada 14 yoshdan 30 yoshgacha boʻlgan barcha faol yoshlar ishtirok etish imkoniyatiga ega ekanligini unutmang! Oʻzingizni anglang, ishonchni his qiling, oldingizga maqsad qoʻying va uni albatta amalga oshiring.

Kuzning ilk kunlarida boʻlib oʻtadigan ajoyib konferentsiya nafaqat munozarali bahslarni, doʻstona muloqotlarni, balki Toshkent shahri boʻylab sayohatni va koʻngilochar oʻyinlarni ham oʻz ichiga oladi.
Sizni ham  konferentsiyada  kutib qolamiz!

Otabek PAHIMBAYeV, Qoraqalpoq  davlat universiteti 

geografiya va tabiiy resurslar  fakultetining 3-bosqich talabasi.