Yangi va zamonaviy sud binosi foydalanishga topshirildi
Amudaryo tumanida fuqarolik va iqtisodiy ishlar boʻyicha tuman sudlarining yangi binosi foydalanishga topshirildi.
23-iyul kuni oʻtkazilgan zamonaviy binoning ochilish marosimida Oʻzbekiston Respublikasi Sudlar faoliyatini taʼminlash departamenti direktori B. Teshaboyev, Qoraqalpogʻiston Respublikasi Joʻqorgʻi Kengesining qonunchilik, sud-huquq va fuqarolarning oʻzini-oʻzi boshqarish organlari masalalari qoʻmitasi raisi S. Turmanov va Respublikadagi boshqa sudlar raislari, tuman hokimi S.Yoʻldashev, tumandagi sudlar raislari va jamoatchilik vakillari ishtirok etdi.
Videokonferentsaloqa tizimida tashkil etilgan tadbirda Oʻzbekiston Respublikasi Oliy sudi raisi K.Komilov yangi binoning foydalanishga topshirilishi bilan barchani qutladi va sud-huquq sohasidagi islohotlar, sudlarga qaratilayotgan eʼtibor, aholi qulayligi uchun yaratilayotgan imkoniyatlar haqida soʻzladi.
"Amudaryo maxsus qurilish" MChJ tomonidan 4 mlrd. 157 mln. 115 ming soʻm mablagʻ evaziga 9 oyda qurib bitkazilgan binoda fuqarolar uchun barcha sharoitlarga ega kutish xonasi, sud raisi xonasi va qabulxonasi, sudya va sud xodimlari faoliyat yuritishi uchun alohida xonalar, zamonaviy koʻrinishdagi sud zallari va eng zamonaviy rusumdagi uskunalar bilan jihozlangan “videokonferentsaloqa rejimi”dagi sud zali tashkil etilib, barcha sharoitlar yaratilgan.
Shuningdek, arxiv hujjatlarini saqlashda xavfsizlik darajasi yuqori boʻlgan arxiv xonasi, sud xodimlarining bilimi va ishchanlik koʻnikmasini oshirish uchun seminar, davra suhbatlari oʻtkazishga moʻljallangan keng “Maʼnaviyat va maʼrifat” xonasi, ashyoviy dalillarni saqlash xonasi, zamonaviy lokal aloqa tarmogʻi va optik tolaga ulangan server xonasi, zamonaviy isitish va sovutish tizimlari, videokuzatuv, yongʻinga qarshi kurashish va qoʻriqlash xavfsizlik tizimlari, hududda xizmat avtotransportlari uchun maxsus toʻxtash joylari ham mavjud.
Tadbirda ishtirok etgan boshqa sud vakillari va sud faxriysi B.Begjanovalar hamkasblarining yangi binoda boshlayotgan ish faoliyatlariga muvaffaqiyat tiladilar.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
