Elektr energiyasi bilan taʼminlash sifati yaxshilanmoqda (video)
Isteʼmolchilar sonining ortishi, ishlab chiqarish hajmlarining kengayishi va xalqimizning iqtisodiy holati yaxshilanib, kundalik turmushda ishlatiladigan maishiy texnika buyumlari turining koʻpayishi elektr energiyasiga boʻlgan talab hamda tarmoqdagi yuklanishning sezilarli darajada oshishiga sabab boʻlmoqda. Shu tufayli elektr energiyasi taʼminoti sifatini yaxshilash yurtimizda ustuvor vazifalardan biriga aylandi.
Prezidentimizning 2016-yil 23-noyabrdagi “2017 – 2021-yillarda past kuchlanishli elektr tarmoqlarini yanada modernizatsiya qilish va yangilash dasturi toʻgʻrisida”gi Qaroriga koʻra bu borada aniq vazifalar belgilab olindi. Shu asosda Qoraqalpogʻistonda past kuchlanishli elektr tarmoqlarini modernizatsiyalash va rekonstruktsiya qilish loyihasi amalga oshirilmoqda. Ayni paytda 339,9 kilometr elektr uzatish tarmoqlari, 173 dan ziyod transformator punktlarini modernizatsiyalash va almashtirish ishlari bajarilmoqda. Bu esa 1,2 milliondan ortiq aholining elektr taʼminoti yaxshilanishini, uzatish va taqsimlashda yoʻqotiladigan energiya 38,2 million kVt/soatgacha qisqarishini hamda avariyaviy oʻchishlarning oldi olinishini taʼminlaydi.
Shunisi eʼtiborliki, tuman hokimligi ham aholiga elektr energiyasini barqaror yetkazish borasida oʻz hissasini qoʻshmoqda. Tumanimizda isteʼmolchilarga elektr energiyasi yetkazib berish sifatini oshirish maqsadida hokimlik mahalliy byudjet hisobidan 400 kVa quvvatga ega boʻlgan 10 ta transformator xarid qildi.
Mazkur transformatorlar Beruniy nomli, Durunki, Doʻstlik, Boyovul, Yangiobod, Gulzor, Namuna, Xizr eli, Boʻz solma mahalla fuqarolar yigʻinidagi 250 kVa kuchlanishli transformator punktlari oʻrniga qoʻyiladi. Bu energiya taʼminoti sifatini yaxshilash bilan birga hududdagi elektr energetikasining rivojiga ham xizmat qiladi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
