PAMAZON HAYITI KENG NIShONLANDI (+video)
Alloh Taologa beadad hamdu sano va shukrlar aytamizki, dunyoning sharqu gʻarbida istiqomat qiluvchi barcha musulmonlar kabi jannatmakon diyorimiz moʻʼmin-musulmonlari ham Muborak Pamazon hayitini koʻtarinki ruh bilan kutib olib, uni munosib nishonlashga muvaffaq boʻldilar. Barchalarimiz Pamazon oyi roʻzasini baqadri imkon tutib, Alloxning oʻzi vaʼda qilgan buyuk mukofotni qabul qilish kuni boʻlgan fitr hayiti kabi ulkan shodiyonani keng nishonladik.
Haq taologa beadad shukronalar boʻlsinki, istiqlol sharofati ila ona diyorimiz musulmonlari hayotida ham katta ijobiy oʻzgarishlar yuz berdi. Davlatimiz mustaqillikning ilk kunlaridanoq xalqning maʼrifati va maʼnaviyatini yuksaltirish, imon-eʼtiqodli qilishga birinchi darajali ahamiyat berdi.
Dunyoning turli burchaklarida, shu jumladan, musulmon mamlakatlarida roʻy berayotgan qoʻporuvchilik va buzgʻunchilik harakatlaridan barchamiz tegishli xulosa chiqarib, doimo xushyor,sezgir va ogoh boʻlib, hamjihatlikda faoliyat yuritishimiz el-yurt oldidagi muqaddas burchimiz sanaladi. Shuningdek, din niqobi ostida islom olamida oʻzaro gʻoyaviy kurashlar kechayotgan hozirgi paytda aholini, ayniqsa yoshlarni ogohlikka chaqirib, muqaddas dinimiz sofligi va musaffoligini asrab-avaylab, uni oʻsib kelayotgan yosh avlod ongiga chuqur singdirish yoʻlida barchamiz hamkor va hamjihatlikda astoydil harakat qilmogʻimiz lozim.
Toshkent shahridagi Simpoziumlar saroyida 2017-yilning 15-iyun sanasida boʻlib oʻtgan “Ijtimoiy-maʼnaviy muhit barqarorligini taʼminlash, muqaddas dinimiz sofligini asrash – davr talabi” mavzusidagi respublika anjumanida Oʻzbekiston Pespublikasi Prezidenti Shavkat Mirziyoyev ishtirok etib, tinchlik va mehr-oqibatni oʻzida mujassam etgan muqaddas islom dinimizni pok saqlash, uning asl mohiyatini yoshlarga toʻgʻri tushuntirish, buning uchun taʼlim-tarbiya va targʻibot ishlarini kuchaytirish masalalariga alohida eʼtibor qaratdilar.
Istiqlol sharofati tufayli har yili davlatimiz rahbari tamonidan maxsus Qaror qabul qilinib, Pamazon va Qurbon hayitlari dam olish kunlari deb eʼlon qilinib, barcha yurtdoshlarimiz bu ikki kunni koʻtarinki ruhda nishonlab kelmoqdalar. Shuning uchun Yaratganga shukronalar aytib, ulugʻ farz amali - Pamazon oyi roʻzasidan soʻng Allohning tavfiqi bilan diyorimizga kirib kelgan muborak Pamazon hayiti barchamiz uchun shodlik va hurramlik ayyomiga aylandi!
Hayit bayramini dunyodan oʻtgan yaqinlarimiz haqiga ixlos koʻngil ila Qurʼon oyatlaridan tilovatlar qilib, bir-birini ochiq chehra bilan muborakbod etgan, ehtiyojmand insonlar holidan xabar olib, haq Taolo yoʻlidagi ehsonlari, hadyalari ila ularning koʻngillarini shod aylagan yurtdoshlarimizga, butun xalqimizga Allohning oʻzi madadkor boʻlsin!
Abdurahmon MATSAPOYeV, "Yusuf eshon bobo" jomeʼ masjidi imom-xatibi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
