Nogironligi boʻlgan bolalar oʻrtasida rasmlar koʻrik-tanlovi oʻtkazildi
Biz bilan hamnafas yashayotgan shunday insonlar borki, garchi ular sogʻlom odamlar kabi cheksiz imkoniyatga ega boʻlmasalar-da, baʼzi oʻta sogʻlom odamlardan koʻra koʻproq ishlarga qodirdirlar. Hayot quvonchlari-yu tashvishlarini, jilvalarini oʻz iqtidorlari, intilishlari bilan chuqur idrok etib, hatto izlanib, intilib yashayotgan bunday insonlar, tan olish kerak, hayot qadrini teranroq anglab, his etib yashaydilar. 31-may kuni Amudaryo qishloq xoʻjalik kasb-hunar kolleji binosida boʻlib oʻtgan, imkoniyati cheklangan bolalar ishtirokidagi “Rang-barang boʻyoqlar olami” rasmlar koʻrik-tanlovida bu yaqqol namoyon boʻldi.
OʻzLiDeP tuman Kengashi, xalq taʼlimi muassasalari faoliyatini tashkil etish va metodik taʼminlash boʻlimi, tuman Nogironlar jamiyati hamkorligida oʻtkazilgan koʻrik-tanlovda tumanimiz maktablarida tahsil olayotgan imkoniyati cheklangan 20 nafar havaskor rassom oʻquvchi-yoshlar ishtirok etdilar.
Oʻzlari chizgan suratlari orqali ona Vatanga mehr-muhabbat, doʻstlik va tinchlik, millatlararo totuvlik, porloq kelajak va baxtiyor bolalik gʻoyalarini tarannum etgan bolalardan uch nafari mazkur koʻrik-tanlovning respublika bosqichiga yoʻllanma oldilar. Suratlarda gʻoyalari bilan hakamlar va tadbir ishtirokchilari tomonidan ishlari yuqori baholangan iqtidorli bolalar hamkor tashkilotlar tomonidan faxriy yoriqlar va sovgʻalar bilan taqdirlandilar.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
