45 foizdan ziyod fuqarolik ishlari sayyor sud majlislarida koʻrib chiqildi

Oʻzbekiston Respublikasi Konstitutsiyasiga muvofiq har bir fuqaroning huquq va erkinliklari sud orqali himoya qilinadi. Undan tashqari, davlat organlarining, lavozimli shaxslarning, jamoat birlashmalarining noqonuniy hatti-harakatlari ustidan sudga shikoyat qilish huquqi kafolatlanadi.

Fuqarolarning huquq va qonuniy manfaatlarining sud orqali ximoyalanishini taʼminlash, ishlarni qonunda belgilangan muddatlarda sifatli koʻrib chiqish va aholi oʻrtasida huquqiy targʻibot oʻtkazish borasida Fuqarolik ishlari boʻyicha tuman sudi tomonidan tegishli chora-tadbirlar amalga oshirilib kelinmoqda.

Fuqarolik ishlari boʻyicha tuman sudiga  1-chorak mobaynida fuqarolardan jami 384 ta ariza, daʼvo ariza va murojaat kelib tushdi. Ushbu murojaatlar boʻyicha 160 ta fuqarolik ishlari koʻrib tamomlandi. Tamomlangan 108 ta ish boʻyicha hal qiluv qarorlari chiqarildi. Shundan 89 ta ish boʻyicha daʼvo arizalar qanoatlantirildi va 19 ta ish boʻyicha daʼvo arizalar rad etildi. 52 ta ish boʻyicha ajrim chiqarildi, 9 ta ish yurituvdan tugatildi. 43 ta ariza koʻrilmasdan qoldirildi. Buyruq tartibida jami 59 arizalar boʻyicha sud buyrugʻi chiqarildi.

Daʼvo tartibida 137 ta fuqarolik ish, yuridik ahamiyatga ega boʻlgan faktlarni tasdiqlash, farzandlikka olish, fuqaroni muomala layoqatini yoʻqotgan deb topish boʻyicha alohida tartibdagi 23 ta fuqarolik ish koʻrib chiqildi.

Fuqarolik ishlarini koʻrish jarayonida taraflar oʻrtasidagi kelishmovchiliklar natijasida kelgusida jinoyat yoki huquqbuzarliklar sodir etilishining oldini olish maqsadida 1 ta fuqarolik ishi boʻyicha tuman IIBga xabarnoma yuborildi. Sud tomonidan idora, korxonalarga 1 ta xususiy ajrim chiqarilgan boʻlib, javobi oʻz vaqtida majlis bayonnomalari bilan toʻliq qaytarildi. Fuqarolik ishlari boʻyicha tuman sudi tomonidan 87 ta ijro hujjatlari majburiy ijro byurolariga ijro uchun yuborildi.

Oʻzbekiston Respublikasi Oliy sudi tomonidan ishlab chiqilgan  kompleks chora-tadbirlar rejasiga muvofiq, shu paytga qadar 73 ta,  yaʼni 45,6 foiz fuqarolik ishlari sayyor sud majlislarida koʻrib chiqildi.

Ye.Uteniyazov, Fuqarolik ishlari boʻyicha tuman sudi raisi