TABIIY GAZ VA ELEKTR ENERGIYaSI ISTEʼMOLChILARI DIQQATIGA!

Majburiy ijro byurosi Amudaryo tuman boʻlimi 2019-yilning 1-iyun kunidan boshlab tabiiy gaz uchun toʻlovlarning yangi tarifi quyidagicha belgilanganligini maʼlum qiladi:

1) Aholiga maishiy ehtiyojlar uchun, gaz hisoblagichi mavjud boʻlganda

1 kub.m. 350 soʻm 00 tiyin.

2) Aholiga maishiy ehtiyojlar uchun, gaz hisoblagichi mavjud boʻlmaganda:

- ovqat tayyorlash va issiq suv uchun; 1 kub.m. 605 soʻm 00 tiyin.

- isitish uchun; 1 kub.m. 350 soʻm 00 tiyin.

3) Oʻzbekiston Respublikasi Prezidentining 2017-yil 8-noyabrdagi PQ-3379-sonli qarori bilan tasdiqlangan roʻyxatdagi mahsulotlarni ishlab chiqaruvchi va alohida xizmat koʻrsatuvchi isteʼmolchilar uchun 1 kub.m. 1000 soʻm 00 tiyin.

4) Avtomobillarga gaz toʻldirish kompressor stantsiyalari uchun (jumladan oʻz balansida avtomobil gaz toʻldirish kompressor stantsiyalari mavjud yuridik shaxslar) 1 kub.m. 800 soʻm 00 tiyin.

5). Boshqa ulgurji isteʼmolchilar uchun, shuningdek, pishiq gʻisht, asfalt va tsement ishlab chiqaruvchi, energiya jihatidan samarali texnologiyalar va uskunalarni joriy etgan, shuningdek, yoqilgʻining muqobil turlaridan (koʻmirdan), shu jumladan, tsement ishlab chiqarishning “quruq usuli”dan foydalanuvchi korxonalar uchun 1 kub.m. 650 soʻm 00 tiyin.

6) Aholining maishiy ehtiyojlari uchun sotiladigan suyultirilgan gazning 1 kilogrammi 1200 soʻm 00 tiyin.

Shuningdek, elektr energiyasi uchun toʻlovlarning yangi tarifi 2019-yilning 1-iyunidan boshlab quyidagicha belgilanganligini maʼlum qilinadi:

I tarif guruhi ulangan quvvati 750 kVA va undan ortiq boʻlgan, elektr energiyasi uchun tabaqalashtirilgan tariflar boʻyicha hisob-kitob qilinadigan isteʼmolchilar (byudjet tashkilotlari, fermer xoʻjaliklari va suv isteʼmolchilari uyushmalarining nasos stantsiyalari, shuningdek, davlat byudjetidan moliyalashtiriladigan nasos stantsiyalari bundan mustasno) isteʼmol qilinadigan 1 kVt soat elektr energiyasi uchun 370 soʻm 00 tiyin.

II tarif guruhi elektr energiyasi uchun bir stavkali tarif boʻyicha hisob-kitob qiladigan isteʼmolchilar (maishiy isteʼmolchilardan tashqari) isteʼmol qilinadigan 1 kVt soat elektr energiyasi uchun 370 soʻm 00 tiyin.

III tarif guruhi maishiy isteʼmolchilar isteʼmol qilinadigan 1 kVt soat elektr energiyasi uchun 280 soʻm 00 tiyin.

IV tarif guruhi I va II tarif guruhlari isteʼmolchilari tomonidan texnologik maqsadda elektr isitish, shuningdek, binolarni isitish, issiq suv taʼminoti va ovqat tayyorlash uchun isteʼmol qilinadigan 1 kVt soat elektr energiyasi uchun 392 soʻm 00 tiyin.

Oʻzbekiston Respublikasi Prezidentining 2017-yil 8-noyabrdagi PQ-3379-sonli qarori bilan tasdiqlangan mahsulotlarni ishlab chiqaruvchi va alohida xizmatlarni koʻrsatuvchi isteʼmolchilar uchun 409 soʻm 00 tiyin.

Aziz isteʼmolchilar! Sarflangan tabiiy gaz va elektr energiyasi haqini oʻz vaqtida toʻlashni, qoʻshimcha xarajatlarning oldini olish maqsadida oldindan toʻlovni amalga oshirishni unutmang!

Majburiy ijro byurosi Amudaryo tumani boʻlimi.