Doʻstini izlayotgan Ayapbergen ogʻaga yordam bering!
Inson umri davomida juda koʻp insonlar bilan uchrashadi, hamsuhbat, safardosh boʻladi, hatto uzoq vaqt birga, bir maqsad yoʻlida xizmat qiladi. Lekin hayot soʻqmoqlarida uchratgan odamlarning hammasi ham yodimizda qolavermaydi.
Tahririyatimizga katta umid bilan kelgan, Nukus shahrida yashovchi Ayapbergen Yerekeyev esa uzoq yillardan beri koʻrmagan, bir bora uchrashib, diydorlashmoq uchun izlab topaolmayotgan amudaryolik xizmatdan doʻstini har kuni oʻylaydi, doʻsti bilan bogʻliq xotiralarini eslaydi.
Uning ism-sharifi Xudoybergan Tajiyev edi, - deydi Ayapbergen ogʻa. – Istarasi issiq, mehribon, oqkoʻngil, juda samimiy yigit edi. Harbiy xizmatda birga boʻlganmiz.
Ayapbergen Yerekeyevning aytishicha, Xudoybergan Tajiyev bilan Surxondaryo viloyatining Termiz shahri yaqinidagi “Uch qizil” posyolkasida joylashgan 34 33212-harbiy qismda 1982-yillarda maʼlum vaqt birgalikda xizmat qilishgan. Hayot turli sinovlarga, ikir-chiqirlarga toʻla. Ayrim sabablarga koʻra Ayapbergen Yerekeyev Xudoybergan Tajiyevning uy manzili yozilgan albomini yoʻqotib qoʻygan.
-Doʻstimni sogʻindim, undan koʻp yaxshiliklar koʻrganman, uni topishimga yordam bering, - deydi koʻzlari sogʻinch yoshlariga toʻlib Ayapbergen Yerekeyev.
Qadrli yurtdoshlar! Tumanimizning qaysidir hududida Ayapbergen ogʻa Yerekeyev sogʻinch bilan izlayotgan doʻsti Xudoybergan Tajiyev kim? U haqda bilganlar boʻlsa yoki agar doʻstining izlayotganidan xabar topgan Xudoybergan Tajiyev tumanimizda yashayotgan boʻlsa, sado bering! Ikki doʻstning diydorlashuviga, uchrashib, bir-birlariga bagʻrini ochib sevinishlariga yordam beraylik!
Maʼlumot uchun: Ayapbergen Yerekeyevni xizmatdoshlari “Alik” deb chaqirishgan. Uning uy telefoni raqami: 229-11-14, mobil telefoni: 90-654-71-18
Tahririyat telefon raqami 515-30-21, 515-31-86.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
