ENDI YaXShI IShLAGAN SEKTOP PAHBAPLAPI MAShINA BILAN TAQDIPLANADI, AKSINChA HOLDA ESA XIZMAT LAVOZIMIDAN BOʻShATILADI

Mamlakatimizda hududlarni kompleks ijtimoiy-iqtisodiy rivojlantirish, xalq bilan jonli muloqot qilib, ularning turmushidagi muammo va kamchiliklarini aniqlash hamda bartaraf etish orqali turmush sifatini oshirish maqsadida hududlarni sektorlarga boʻlib ishni tashkil etish tizimi joriy etilganligi koʻpgina ijobiy oʻzgarishlarga omil boʻldi, deya olamiz. Biroq ayrim hollarda sektorlar faoliyatida aniqlangan muammolarni bartaraf etish hamda sektor aʼzolari faoliyatini muvofiqlashtirishda sektor rahbarlarining zarur tashkiliy va moliyaviy vakolatlarga ega emasligi, aniqlangan ayrim muammolarni oʻz vaqtida hal etishga toʻsqinlik qilayotgan hollar ham uchrayotgan edi. Shuningdek, sektorlarda oʻrganishlar natijalari umumlashtirilmayotgani, statistik hisobotlar yuritilmayotgani, sohaga zamonaviy axborot-kommunikatsiya texnologiyalarining joriy etilmayotganligi amalga oshirilgan ishlarni sarhisob qilish imkonini bermayotgan edi.

Endilikda Oʻzbekiston Pespublikasi Prezidentining “Hududlarni kompleks ijtimoiy-iqtisodiy rivojlantirish boʻyicha sektorlar faoliyatini yanada takomillashtirishga doir qoʻshimcha chora-tadbirlar toʻgʻrisida”gi 2019-yil 8-yanvarda qabul qilgan qarori bu kamchiliklarga barham berishga asos boʻladi.

Qarorda shu maqsadda sektorlarning tuman (shahar)- viloyat-respublika tamoyili asosida ularga amaliy va uslubiy yordam koʻrsatish hamda faoliyatini nazorat qilish boʻyicha hokimliklar, prokuratura, ichki ishlar va soliq idoralarida vertikal boshqaruv tizimi joriy etiladi, har chorakda kamida bir marta sektorlarda amalga oshirilayotgan tashkiliy-amaliy chora-tadbirlar samaradorligi baholab boriladi, bunda sektorlar rahbarlarining faoliyati hududlarning rivojlanish ahvolidagi oʻzgarishlardan va boshqa haqqoniy mezonlardan kelib chiqib baholandi, har bir hududda aniqlangan muammolarni hal etish boʻyicha hududiy va respublika “yoʻl haritalari” ishlab chiqilib, amalga oshiriladi.

2019-yilning 1-fevralidan boshlab, yuklatilgan vazifalarning samarali bajarilishini taʼminlash va sektorlarning faoliyatini muvofiqlashtirib borish uchun sektorlar shtabi tarkibiga kiritilgan idora va tashkilotlarning har bir sektor boʻyicha masʼul xodimlari sektor rahbari bilan kelishilgan holda biriktiraldi va almashtiriladi.

Sektorlar faoliyatiga ham yangilik joriy etiladi, yaʼni sektor rahbari boshchilik qiladigan idoradan bir xodim sektor shtabi kotibi sifatida faoliyat yuritadi va shtabdagi ishlarni muvofiqlashtirib boradi.

Tuman, shahar sektorlari rahbarlariga har haftada kamida bir marotaba joylarga chiqib, jismoniy shaxslar bilan ularning ijtimoiy masalalari hamda yuridik shaxslarning vakillari bilan tegishli faoliyat sohalari kesimida qabul oʻtkazib turish vazifasi yuklatildi.

Qarorda sektorlarda aniqlangan muammolarni hal etish uchun sektor rahbarlarining asoslantirilgan soʻrovlariga muvofiq Qoraqalpogʻiston Pespublikasi, viloyatlar va Toshkent shahar, tumanlar (shaharlar)ning qoʻshimcha manbalari hisobidan mablagʻlar maqsadli yoʻnaltirilishi belgilab qoʻyilganligi, ayniqsa diqqatga sazavordir.

Qarorda Qoraqalpogʻiston Pespublikasi Vazirlar Kengashi, viloyatlar va Toshkent shahar hokimliklarining axborot-tahlil guruhlari hamda tumanlar, shaharlar iqtisodiyot va hududlarni kompleks rivojlantirish boʻlimlari zimmasiga sektorlar faoliyatiga oid maʼlumotlarni jamlash, ular tomonidan amalga oshirilgan ishlar toʻgʻrisidagi hisobotni shakllantirish va yuritish, sektorlar faoliyatini muvofiqlashtirishga koʻmaklashish kabi bir qancha vazifalar yuklangan.

Qarorning yana bir muhim jihati shundan iboratki, 2019-yilning 1-aprelidan boshlab uyma-uy yurish, aniqlangan muammolar va ularning hal etilganligi toʻgʻrisida maʼlumotlarni oʻz ichiga oladigan respublika boʻyicha yagona elektron axborot tizimi joriy etilishi va sektorlar rahbarlari faoliyatini baholab borish tizimi joriy etilishidir. Yil yakunlariga koʻra, faoliyatida yuqori koʻrsatkichlarga erishgan sektorlarni ragʻbatlantirish maqsadida “Eng namunali sektor”, “Eng tashabbuskor sektor rahbari”, “Eng faol sektorlar shtabi aʼzosi” nominatsiyalari boʻyicha tanlov oʻtkaziladi va gʻoliblar aniqlanadi. Baholash natijalariga koʻra, eng yuqori koʻrsatkichga erishgan 2 nafar sektor rahbarlari avtotransport vositasi, sektorlar faoliyatini namunali tashkil etgan rahbarlar va uning ishida faol qatnashgan boshqa shtab aʼzolari qimmatbaho sovgʻalar bilan mukofotlanadi. Aksincha, faoliyati samarasiz deb baholangan sektorlar rahbarlari esa egallab turgan lavozimidan ozod etilishi ham koʻzda tutilgan.

Qaror sektorlar faoliyati yanada jonlanishiga xizmat qilishi shubhasiz.

Oygul PAJABOVA,

gazetaning maxsus muxbiri.