2 ming 45 ta sayyor sud majlislari oʻtkazildi

Prezidentimiz Sh.Mirziyoyevning “Sudyaning ongida – adolat, tilida – haqiqat, dilida – poklik hukmron boʻlishi kerak”, degan gaplari biz sudyalar uchun dasturilamal boʻlmoqda.

Tuman Iqtisodiy sudiga 2018-yil davomida jami 2 ming 675 ta daʼvo arizalar va arizalar kelib tushdi. Shundan oʻtgan yildan qolgan 39 ta ish va 2 ming 433 ta daʼvo ariza va arizalar ish yuritishga qabul qilinib, sud majlislarida koʻrib chiqildi. 224 ta daʼvo ariza va arizalar qabul qilinmasdan qaytarildi. 9 ta daʼvo arizasini esa qabul qilish rad etildi. 7 ta daʼvo arizasi boʻyicha ish yuritish tugatildi va 132 ta arizalar boʻyicha sud buyruqlari chiqarildi.

Tuman Iqtisodiy sudi tomonidan barcha ishlarning ochiq va shaffof koʻrilishi taʼminlanib, 2 ming 45 ta, yaʼni 83,6 foiz ishlar sayyor sud majlislarida koʻrib chiqildi.

Ish yuritishda adolat, ochiqlik va oshkoralikni taʼminlash maqsadida yangi tartib, yaʼni sudda ishlarni elektron taqsimlash tizimi amaliyotga kiritildi. Endilikda inson aralashuvisiz ishni qaysi sudya koʻrishini elektron dastur belgilaydi.

Shunga koʻra, kasbiy mahorat va madaniyatimizni oshirib, har qanday holatda ham qonun, adolat va insonparvarlik tamoyillariga asoslanib ish koʻrishga intilaveramiz.

Oʻtkir SOBIROV,

tuman Iqtisodiy sudi raisi.