ShANBA – OʻZINI OʻZI RIVOJLANTIRISh KUNI
Maʼlumki, xalq taʼlimi vaziri Sh.Shermatov tashabbusi bilan shanba umumtaʼlim oʻzini oʻzi rivojlantirish kuni deb belgilandi. Shu munosabat bilan yurtimizdagi barcha maktablarda har xil tadbir, tanlov, viktorina, uchrashuvlar, seminar-treninglar oʻtkazilmoqda.
Jumladan, 11-sonli umumtaʼlim maktabida ham yoshlar yetakchisi Qunduz Xolmuratova, amaliyotchi-psixolog Dilnoza Shomuratova va tashabbuskor oʻqituvchilarimiz Jahongir Madaminov, Doniyor Vaisovlar tomonidan turli xil tanlov, viktorina, seminarlar oʻtkazilmoqda.
Bu oʻtkazilayotgan chora-tadbirlar oʻzining dolzarbliligi, yangi innovatsion texnologiyalar bilan uzviyligi, qolaversa qiziqarliligi bilan hech-bir oʻquvchini befarq qoldirayotgani yoʻq.
Shu oʻrinda 20-oktabr kuni yoshlar yetakchisi Qunduz Xolmuratova va texnologiya fani oʻqituvchisi Jahongir Madaminovlar tomonidan ajoyib, kutilmagan tanlov, intellektual oʻyin – “Zinama-zina” oʻyini oʻtkazildi.
Bu oʻyin shartlariga koʻra besh bosqichdan iborat boʻlib, har bir shartda bitta savol – bitta zina vazifasini oʻtaydi. Asosiy kreativ tomoni esa oʻyin kompyuterda dasturlashtirilgan boʻlib, barcha savollarga toʻgʻri javob berib, hamma zinalarni bosib oʻtgan ishtirokchi keyingi bosqichga oʻtadi. Agar ishtirokchi notoʻgʻri javob berilgan tugmani bossa, oʻyindan chetlashtiriladi.
Bu oʻyinda 9-sinf oʻquvchilaridan iborat 10 nafar ishtirokchi qatnashdi. Har bir ishirokchi oʻzi mustaqil ravishda kompyuter oldida savollarga javob berdi. Savollar monitor orqali zaldagi tomoshabinlarga ham koʻrinib turdi.
Oʻn nafar ishtirokchi ichidan olti nafari barcha savollarga toʻgʻri javob berib, barcha zinalarni zabt etib, keyingi bosqichga yoʻl oldi.
Bu oʻyin muallifi boʻlgan J. Madaminov shu maktabning eng tashabbuskor oʻqituvchilaridan boʻlib, nafaqat tandbir-tanlovlarni balki darslarni ham innovatsion texnologiyalar asosida oʻtib, oʻquvchilarning sevimli ustoziga aylangan.
Mohira ShOMURATOVA, 11-sonli maktabning 11-sinf oʻquvchisi, Press-klub sardori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
