Amudaryoda davlat xizmatlari markazi tomonidan 6 mingdan ziyod elektron raqamli imzo berildi

2018-yil 1-yanvardan Tadbirkorlik subʼektlariga «yagona darcha» tamoyili boʻyicha davlat xizmatlari koʻrsatish yagona markazlari Davlat xizmatlari markazlariga aylantirildi. Markazning asosiy vazifalari qilib:

jismoniy va yuridik shaxslarga «yagona darcha» tamoyili boʻyicha, shu jumladan olis joylarga chiqqan holda davlat xizmatlari koʻrsatish;

davlat xizmatlari servisining yuqori sifati, tezkorligi, shaffofligi, qulayligi va foydalanish imkoniyatini taʼminlash, mazkur sohada byurokratiya, sansalorlik va boshqa maʼmuriy toʻsiqlarga yoʻl qoʻymaslik;

idoralararo hamkorlikni, eng avvalo, davlat xizmatlari koʻrsatish uchun zarur hujjat va axborotlarni tezkorlik bilan olishni taʼminlovchi elektron hamkorlikni amalga oshirish;

davlat xizmatlari koʻrsatishda jismoniy va yuridik shaxslarga malakali axborot va maslahat yordamlarini taqdim etish;

vakolatli davlat organlari va boshqa tashkilotlar tomonidan davlat xizmatlari koʻrsatishda qonun hujjatlari va maʼmuriy reglamentlar talablariga rioya etilishini taʼminlash sifatida belgilangan.

Inson hayotining har bir qadamida, jamiyat hayotining u yoki bu sohasi bilan bogʻliq harakatida davlat organlari bilan duch kelishi muqarrar. Bunda xalq ogʻirini yengil qilish, ularga “davlat-fuqaro” munosabatlarida qulaylik yaratish va shaffoflikni taʼminlash maqsadida davlat rahbari tomonidan davlat xizmatlari koʻrsatishning yangi kontseptsiyasi ilgari surildi.

Bunda, asosiy eʼtibor navbatda turishlarni keskin kamaytirish, sansalorlikning oldini olish, xalqni davlat idoralaridan rozi boʻlishiga qaratildi. Kundalik hayotda har birimiz roʻpara keladigan nikohni qayd etish, farzandning dunyoga kelishi, bolalarni maktabgacha taʼlim muassasalariga joylashtirish tashvishi, ular bilan bogʻliq hujjatlarni rasmiylashtirish, tegishli toʻlovlarni amalga oshirish endilikda Davlat xizmatlari markazlari orqali amalga oshiriladi. Bu nafaqat sarf-harajatlarni, balki inson uchun qimmatli boʻlgan vaqtni tejashga imkon yaratadi.

Jismoniy va yuridik shaxslarga “yagona darcha” tamoyili asosida davlat xizmatlari koʻrsatuvchi davlat xizmatlari markazlari orqali tezkor davlat xizmatlari koʻrsatilishiga erishildi. Aholiga koʻrsatilgan davlat xizmatlari soni oshganligi sababli 2018-yil 1-sentyabrdan boshlab bosqichma-bosqich joriy etiladigan xizmatlar soni oshdi. Hozirgi vaqtda nafaqat tadbirkorlarga balki aholiga ham eng zarur va talab yuqori boʻlgan davlat xizmatlari “yagona darcha” tamoyili boʻyicha Davlat xizmatlari markazlari orqali koʻrsatiladigan xizmatlar soni ortib bormoqda.

Jumladan yangi qoʻshilgan xizmat turlari Sudlanmaganlik (yoki sudlanganlik) haqida maʼlumotnoma berish, Yuridik shaxslar, jismoniy shaxslar hamda yakka tartibdagi tadbirkorlarning soliq qarzi mavjud emasligi toʻgʻrisida maʼlumotnoma, jismoniy shaxslar uchun STIP olish yoki STIP maʼlumotlarini oʻzgartirish, manzil-maʼlumot axborotlarini berish, tugʻilganlikni qayd etish, Adliya organlari va muassasalaridan chiqadigan rasmiy hujjatlarga apostil qoʻyish, FHDYo va notariat organlari tomonidan arxiv hujjatlarini olish  kabi xizmatlar koʻrsatilmoqda.

Misol qilib aytadigan boʻlsak, hozirgi kunda talab yuqori boʻlgan xizmat turlari elektron raqamli imzo (EPI) boʻyicha kelib tushgan arizalar soni 6000 dan ziyod, bolalarni Davlat maktabgacha taʼlim muasasalariga qabul qilish boʻyicha ariza berish 3418 ta ariza kelib tushgan boʻlib, shundan 1031 nafar bolaga  davlat maktabgacha taʼlim muassasalariga joylashtirish boʻyicha yoʻllanmalar berildi. Fuqarolarni jamgʻarib boriladigan pensiya taʼminotiga tizimiga hisobga olish boʻyicha 1211 ta davlat xizmatlari kursatilgan.

Amudaryo tumani Davlat xizmatlari markazi xodimlari tomonidan olis qishloqlarga chiqib targʻibot ishlari olib borilmoqda. Olib borilayotgan targʻibot tardbirlari natijasida markazga murojaat etuvchi arizachilar soni ortib borayotganligini kuzatish mumkin.
Jismoniy  va yuridik shaxslarga davlat xizmatini koʻrsatish amaliyoti joriy etilganidan buyon yil boshidan shu kunga qadar Amudaryo tumani davlat xizmatlari markazi xodimlari tomonidan 11 mingdan ziyod davlat xizmatlari koʻrsatildi.

Mamlakatimizda davlat xizmatlarini yanada jadallashtirish maqsadida kelgusida 100 dan ortiq davlat xizmatlarining turlarini Davlat xizmatlari markazlari orqali koʻrsatish rejalashtirilgan.

Oybek Axmedov, Nafisa Xudaybergenova,

Amudaryo tumani Davlat xizmatlari markazi  bosh mutaxassisilari.