Qipchoqlik kitobsevarlar uchun “Xalq kutubxonasi” ochildi (+video)
Yaxshi kitob – koʻngil hamdami, eng yaqin doʻst, maslahatgoʻy va sirdosh, deydilar. Yaxshi kitobxon esa dunyoqarashi keng, fikri teran, xulq-atvori goʻzal, munozarada dadil va oʻktam boʻladi. Vaholanki, jamiyatimizga ana shunday axloqi pokiza, ilm-u fitrati baland, oqil insonlar kerak.
Tuman hokimligining yordami bilan “Taraqqiyot koʻzgusi” gazetasi hamkorligida amalga oshirilayotgan kitobxonlik targʻiboti, tumanimizning chekka ovul va mahallalarida tashkil etilayotgan “Xalq kutubxonalari” jamiyatimizni maʼnan yuksaltirish, oʻsib kelayotgan yosh avlodning intellektual salohiyatini rivojlantirish, yoshlar ongida maʼnaviy merosimizga chuqur hurmat va ehtirom tuygʻularini shakllantirish hamda istiqlol gʻoyalariga sadoqat, vatanparvarlik ruhida tarbiyalashga qaratilgan.
Bugungi kunda Kuyuk koʻpir, Doʻrman ovullari hamda Gulzor mahallasida tuman hokimligi yordami bilan gazeta tahririyati hamkorlikda tashkil etgan Xalq kutubxonalari yuzlab kitobsevarlarga xizmat qilmoqda.
Shu yilning 12-sentyabr kuni Qipchoq shaharcha fuqarolar yigʻini maʼmuriy binosida ham ana shunday “Xalq kutubxonasi” oʻz faoliyatini boshladi. Mazkur maʼnaviyat maskanining ochilish marosimida “Taraqqiyot koʻzgusi” gazetasi tahririyati bosh muharriri Gʻulomjon Yeshniyozov, jurnalist Pobiya Yoʻldosheva, Qipchoq ShFY raisi Nuraddin Xolboyev, shaharcha faollaridan Allambergan Yoʻldoshev, oʻquvchi-yoshlardan Izzat Oʻrozboyev, Samandar Iskandarovlar mamlakatimizda, xususan tumanimizda maʼnaviy-maʼrifiy sohaga qaratilayotgan yuksak eʼtibor va ragʻbat haqida gapirdilar. Oʻz navbatida qipchoqlik yoshlar bu gʻamxoʻrlikdan mamnun ekanliklarini, shaharcha fuqarolar yigʻini maʼmuriy binosida oʻz faoliyatini boshlagan “Xalq kutubxonasi” kitob jamgʻarmasini yanada boyitish borasidagi takliflarini bildirdilar.
Shu kuni “Xalq kutubxonasi”ning keng va shinam oʻquv zali 11-sonli maktabning kitobsevar oʻquvchilari va yigʻin faollari bilan gavjum boʻldi va koʻpchilik yoshlar kutubxona aʼzoligiga qabul qilindilar.
Maxsus muxbirimizdan.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
