Amudaryoda Oliy sud raisi oʻrinbosari sayyor qabul oʻtkazdi
Bugungi kunda mamlakatimizda sud-huquq tizimida olib borilayotgan islohotlar, kiritilayotgan oʻzgartirishlar sud hokimiyatining mustaqilligini, sud ishlaridagi odillikni, shaffoflikni taʼminlamoqda. Bu orqali fuqarolarning huquq va manfaatlari himoya qilinib, ularning adolatga boʻlgan ishonchi ortmoqda. 7-avgust kuni Amudaryo tumani hokimligida Oʻzbekiston Pespublikasi Oliy Sudi raisi oʻrinbosari boshchiligida oʻtkazilgan sayyor qabulda ham shu xususida atroflicha soʻz yuritildi.
Sayyor qabulda Oʻzbekiston Pespublikasi Oliy sudi raisi oʻrinbosari Bahodir Dehqonov, Qoraqalpogʻiston Pespublikasi Joʻqorgʻi Kengesi qoʻmita raisi, OʻzLiDeP Qoraqalpogʻiston Pespublikasi Kengashi raisi Sogʻindiq Turmanov, Qoraqalpogʻiston Pespublikasi jinoyat, fuqarolik ishlari, iqtisodiy, maʼmuriy sudi sudyalari, tuman hokimi Sultonboy Yoʻldoshev hamda hokim oʻrinbosarlari, jamoat tashkilotlar, davlat va maʼmuriy organlar, OAV vakillari ishtirok etdilar.
Oʻzbekiston Pespublikasi Oliy sudi raisi oʻrinbosari B.Dehqonov Prezidentimiz tomonidan sud-huquq sohasiga kiritilayotgan oʻzgartirishlar, xalq uchun yaratilayotgan imkoniyatlar, sud jarayonida qoʻllanilayotgan axborot-texnologiya vositalarining afzalliklari va boshqalar haqida soʻzladi. Shuningdek, xalq orasida oʻtkazilayotgan ochiq, sayyor sudlarning ahamiyati, taʼsirchanligi, fuqarolarning manfaatlarini koʻzlab tashkil qilingan maʼmuriy, iqtisodiy, fuqarolik sudlari faoliyati borasida alohida toʻxtalib oʻtdi hamda fuqarolarga huquq va burchlari boʻyicha batafsil tushuncha berdi.
Soʻngra tuman hokimi S.Yoʻldoshev, hokim oʻrinbosari M.Ahmedova, “Nuroniy” jamgʻarmasi tuman boʻlinmasi raisi B.Ollamberganov, tuman Davlat xizmatlari markazi boshligʻi M.Sodiqov, Ayoqchi mahallasi raisi B.Shomurodovlar soʻzga chiqib, sud-huquq tizimida amalga oshirilayotgan islohotlar va xalqchil siyosatning ijobiy samaralari, jinoyatchilikning oldi olinishi hamda kamayishiga koʻrsatayotgan taʼsiri haqida gapirdilar.
Uchrashuvdan soʻng, sayyor qabul oʻtkazilib, 20 nafar fuqaroning sud masalalari boʻyicha murojaatlari tinglandi va ularga sudlarga murojaat qilish tartibi tushuntirilib, huquqiy yordam koʻrsatildi.
O.XUDOYBEPGANOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
