XALQ HAYoTINING HAQIQIY KOʻZGUSI

Kompyuter texnologiyalari qanchalik rivojlanmasin, axborot, ijod, tarbiya borasida gazeta oʻz ahamiyatini zarracha yoʻqotmaydi va shunday boʻlib qoladi! Agar gazeta oʻz ahamiyatini yoʻqotdi, deguvchilar boʻlsa, bu yanglish va shoshilinch tasavvur, xolos.

Tumanimiz gazetasi shonli yoʻlni bosib oʻtdi. Unda faoliyat yuritgan qancha-qancha aziz insonlarning xizmatlari risolalarda qayd etildi va sharaflandi. Arziydi! Prezidentimiz dangal aytdilar-ku: “ijod ahlining mehnatiga loyiq baho bermovchilar ikki varaq bir narsa yozib koʻrsinlar-chi!”

Tuman gazetasining shakl va mazmun jihatdan ham yetuk nashr ekanligidan faxrlansak arziydi. Gazeta sahifalarida xalq hayotining barcha sohasi, davlatimiz tomonidan amalga oshirilayotgan ezgu ishlar, chuqur islohotlar faol yoritilmoqda.

Faol muxbirlarning maqola-xabarnomalari, Robiya Yoʻldoshevaning sheʼriy va publitsistik tahlillari, Oygul Rajabovaning mulohazalarga boy puxta maqolalari, Qodirbergan hoji Jumamurod oʻgʻli kabi ziyolilarning ilmiy manbalarga asoslangan maʼrifiy chiqishlari gazetxonni befarq qoldirmaydi, oʻqishliligini, obroʻsini oshiradi. Oʻspirinlar, yoshlar qalb qoʻridan toʻkilgan ijod chechaklarini bu nufuzli gazeta sahifalarida koʻrib oʻzlari ham quvonadi, ilhomlanadi, gazetxonni ham quvontiradi. “Mening oilam”ning har bir sonini tumanimiz ahli orziqib kutishining boisi ham shunda. Tahririyat qoshida tashkil etilgan “Jayxun ilhomlari” NNT aʼzolarining faoliyati ham jamoatchilik tomonidan iliq kutib olinmoqda.

“Taraqqiyot koʻzgusi” tumanimizning koʻzgusi, xalqimizning Soʻzi, Yuzi, Koʻzi, Qulogʻi va Irodasidir. Demak, bu gazetaga munosabat – uning yanada mazmunli, yanada faol, yanada chiroyli, oʻqishli boʻlishida va saviyasining yuksalishida muhim ahamiyat kasb etadi. Xoʻsh, gazeta nufuzini oshirish uchun nima qilish kerak? Bu borada ayrim mulohaza va baʼzi takliflarimni keng gazetxonlar bilan baham koʻrsam, degan niIjod – aqliy mehnatdir. Har bir mehnat, albatta, moddiy baholanishi, yaʼni– mehnat haqi berilishi kerak. Gazeta tumanimiz moddiy va maʼnaviy boyligining bir boʻlagi ekan, byudjet tashkilotlari qatorida ozgina mablagʻ ajratilsa, maqsadga muvofiq boʻlardi. Ana shunda mualliflarga ozmi-koʻpmi gonorar – qalam haqi berilgan boʻlardi!

Faol muxbirlar saviyasini yanada oshirish uchun seminarlar oʻtkazib turish kerak. Eng faol, saviyasi yuksak ijodiy asarlar va maqolalar mualliflarini yil yakunida ragʻbatlantirish zarur. Muxbirlar koʻpaysa, fikrlar xilma-xilligi, rang-barangligi ortadi. Mushtariylar soni oshadi!

Tanqid! Tan olish kerak-ki, hozirgi zamonda tanqid oqsadi. Tanqidga munosabatni yangilash lozim. Avvallari rahbar xodim tanqid qilinsa, ishdan olinardi, partiyadan oʻchirilardi yoki qamalardi. Yoki aksincha, tanqid qiluvchi tazyiqqa olinardi. Xullas, tanqid – ulkan yov edi. Xoʻsh, tanqid qanday boʻlishi lozim? Eng avvalo xolislik boʻlishi lozim, shaxsiy kek va gʻaraz emas, balki jamiyat va aynan shu tanqid qilinayotgan obʼekt yoki subʼekt manfaatiga xizmat qilishi kerak, kamchilikni tuzatish yoʻllari koʻrsatilishi shart. Darrov jazoga oʻtavermay, kamchilik va nuqsonlarni bartaraf qilish uchun imkon berilishi kerak. Aks holda gujumlarga tushgan burovqurtni yoʻqotish oʻrniga gujumlarning oʻzini yoʻqotganimizdek, xato boʻladi!

“Amu TV”ning haftalik dasturi berib borilsa, koʻngilochar sahifalar tashkil etilsa, yaʼni qiziqarli maʼlumotlar, loyihalar amalga oshirilsa, deymiz.

Din – tarbiyaviy masalada qudratli quroldir. Tumanimizda yetuk bilimli mutaxassislar bor. Ular gazeta sahifalarida, telekoʻrsatuvlarda ibratli rivoyatlar, oʻgitlar bilan faol ishtirok etsalar, ayni muddao boʻlardi.

Oʻylaymanki, yuqoridagi takliflar inobatga olinsa, tuman matbuotining obroʻsi yanada oshardi.

Gazetamizning mazmunli, koʻrkli chiqishida xizmat qilayotgan xodimlarni anʼanaviy kasb bayramlari bilan tabriklab, ijodiy muvaffaqiyatlar tilayman. Gazetamiz hamisha yosh ijodkor avlod uchun ustoz-murabbiy, xalqimiz hayotining, turmush taraqqiyotining haqiqiy tiniq koʻzgusi boʻlib xizmat qilishiga tilakdoshman.

Tursunboy ABDULLAYeV, faxriy oʻqituvchi.yatdaman.