Yoshlar ittifoqi – yoshlar iftixori
Oʻzbekiston Yoshlar Ittifoqi qayta tashkil topganiga 2018-yil, 30-iyunda endi bir yil toʻladi. Yoshlar Ittifoqining asosiy maqsadi mamlakatimizda tinchlik va hamjihatlikni saqlash, yosh avlodning huquqlari, erkinliklari va qonuniy manʼfaatlarini qoʻllab-quvvatlash, yoshlarning bilim saviyasini har tomonlama yuksaltirish hamda ijodiy salohiyatini roʻyobga chiqarishda koʻmaklashishdan iborat.
Oʻzbekiston Yoshlar Ittifoqi faoliyati Prezidentimiz Sh. Mirziyoyevning doimiy eʼtibor va nazoratida. Yoshlarga oid davlat siyosati samaradorligini oshirish va Oʻzbekiston Yoshlar Ittifoqi faoliyatini qoʻllab-quvvatlash borasidagi qator Prezident Farmon va Qarorlari fikrimiz dalilidir. Ayniqsa, jamiyatda faol yoshlar uchun “Kelajak bunyodkori” medali, jasoratli va mard yigitlar uchun “Mard oʻgʻlon” davlat mukofotining taʼsis etilishi yanada quvonarli. “Qizlavrjon” jurnalining tashkil etilishi, oʻqishni tamomlab, ishga kirgan yoshlarga faoliyatining birinchi yilida daromad soligʻini 50 foiz, ikkinchi yili esa 25 foizga kamaytirish, oʻqishga shartnoma asosida qabul qilingan bilimdon va faol yoshlarga shartnoma pulining 35 foizini Yoshlar Ittifoqi tomonidan toʻlanishi, yosh oilalarga imtiyozli kreditlar berilishi hamda Yoshlar Ittifoqi tomonidan oʻtkazilayotgan “Yosh kitobxon” tanlovi yoshlarimizga koʻpgina imkoniyatlar eshigini ochadi. Bularning ichida “Yosh kitobxon” tanlovining oʻtkazilishi yoshlarimiz maʼnaviy saloxiyatini oshirishda va ular ongida gʻoyaviy boʻshliq paydo boʻlishining oldini olishda muhim ahamiyat kasb etmoqda. Bugungi Oʻzbekiston farzandlari ilm-fan, sport va madaniyat sohasida oʻtkazilayotgan nufuzli xalqaro bellashuvlarda dunyo yoshlari bilan musobaqalashib, faxrli oʻrinlarni egallashi ham davlatimiz tomonidan koʻrsatilayotgan eʼtiborning mahsulidir.
Yoshlar Ittifoqi hozirda har jabhada, har sohada oʻz faoliyatini samarali olib bormoqda. Yosh avlod uchun yangi-yangi islohotlar amalga oshirilib, yangi isteʼdodlar kamol topishi keng imkoniyatlar eshigini ochmoqda. Men Yoshlar Ittifoqi aʼzosi ekanligimdan hamisha fahrlanaman va uning safida turib, Vatanga munosib farzand sifatida islohotlarni amalga oshirish jarayonida oʻqib-izlanishdan aslo charchamayman. Tumanimizning barcha yoshlarini Yoshlar Ittifoqi atrofida birlashishga chaqiraman.
Nursuluv Toʻqliboyeva,
Qipchoq qishlogʻi, “Yosh muxbirlar posti” aʼzosi.
Foto. uza.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
