Yoshlar ittifoqi tuman Kengashining hisobot yigʻilishi oʻtkazildi
Mamlakatimizda yoshlarga oid davlat siyosatini izchil amalga oshirish, ularni ezgu maqsad yoʻlida birlashtirish maqsadida tashkil etilgan Oʻzbekiston Yoshlar ittifoqi oʻz faoliyatini samarali yoʻlga qoʻyib, yoshlar hayotida alohida oʻrin tutishga harakat qilmoqda. Bugungi kunda ittifoq va uning joylardagi Kengashi tomonidan bu borada amalga oshirilayotgan chora-tadbirlar natijasida yoshlarning jamiyat hayotidagi faolligi ortmoqda.
27-aprel kuni Yoshlar Ittifoqi tuman Kengashining hisobot yigʻilishi boʻlib oʻtdi. Yigʻilishda tuman hokimi Sultonboy Yoʻldoshev, ittifoqning Qoraqalpogʻiston Respublikasi Kengashi raisi Abad Daniyorov, ittifoqning tuman Kengashi raisi Mahmud Shermetov hamda Kengash aʼzolari, faol yoshlar, hamkor tashkilotlar rahbarlari ishtirok etdilar.
Yigʻilishda kun tartibidagi ittifoqning tuman Kengashi tomonidan oʻtgan davr mobaynida amalga oshirilgan ishlar haqidagi masala yuzasidan Kengash raisi Mahmud Shermetovning hisobot maʼruzasi tinglandi. Mahmud Shermetov oʻz maʼruzasida tuman Kengashining 2017-2018-yillar mobaynidagi meʼyoriy-huquqiy hujjatlarining ijrosi, moliyaviy-iqtisodiy koʻrsatkichlarning bajarilishi hamda yosh tadbirkorlar va fermerlar bilan olib borilayotgan ishlar, uyushmagan yoshlarning boʻsh vaqtini mazmunli tashkil etish va ularning bandligini taʼminlash, yoshlarning turli mafkuraviy tahdidlarga, xususan, diniy ekstremizm, terrorizm, “Ommaviy madaniyat” va boshqa yot gʻoyalarga qarshi kurashish, sogʻlom turmush tarzini targʻib qilish, toʻy-marosimlarni ixchamlashtirish, erta turmushning, yosh oilalardagi ajralishlarning oldini olish kabilar boʻyicha bajarilgan ishlari va oʻtkazilgan tadbirlar haqida hisobot berdi. Shuningdek, hududdagi “Yoshlar markazi” hamda yoshlar ijtimoiy xizmatlar markazlari, umumtaʼlim maktablaridagi Boshlangʻich tashkiloti yetakchilarining faoliyatlariga ham toʻxtalib oʻtdi. Yoshlar ittifoqi tuman Kengashi faoliyati samaradorligini oshirish hamda oʻtgan davrda yoʻl qoʻyilgan kamchiliklar, muammolarni bartaraf etish boʻyicha takliflarini ham kiritdi.
Hisobot yigʻilishida ishtirok etayotgan ittifoqning Qoraqalpogʻiston Respublikasi Kengashi raisi Abad Daniyorov soʻzga chiqib, tuman Kengashining oʻtgan davr mobaynidagi faoliyati boʻyicha Qoraqalpogʻiston Respublikasi Kengashi nomidan munosabat bildirdi. Shu bilan birga galdagi vazifalarga toʻxtalib oʻtdi.
Yigʻilish yakunida koʻrilgan masalalar yuzasidan tegishli qaror qabul qilindi va Oʻzbekiston Yoshlar ittifoqi hisobot Qurultoyidan oldidan boʻlib oʻtadigan ittifoqning Qoraqalpogʻiston Respublikasi Kengashi yigʻilishida ishtirok etish uchun koʻrsatilgan faol yoshlar nomzodi tasdiqlandi.
O. Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
